വാഷിങ്ടണ്‍: പാകിസ്ഥാനുമായുള്ള ബന്ധം ഇന്ത്യ മെച്ചപ്പെടുത്തണമെന്നും അതിര്‍ത്തി പ്രശ്‌നം ചര്‍ച്ചയിലൂടെ പരിഹരിക്കണമെന്നും അമേരിക്കന്‍ പ്രസിഡന്റ് ബറാക്ക് ഒബാമയും പാകിസ്ഥാന്‍ പ്രധാനമന്ത്രി നവാസ് ഷെരീഫും സംയുക്ത പ്രസ്താവനയില്‍ പറഞ്ഞു.
ഇരുവരും നടത്തിയ കൂടിക്കാഴ്ചയ്ക്ക് ശേഷം നടത്തിയ സംയുക്ത പ്രസ്താവനയില്‍ അതിര്‍ത്തിയിലെ സംഘര്‍ഷങ്ങളില്‍ ആശങ്ക രേഖപ്പെടുത്തുകയും ചെയ്തു. പാകിസ്ഥാനിലെ ഭീകരസംഘടനയായ ലഷ്‌കര്‍ ഇ തൊയ്ബയ്ക്കും അതിന്റെ അനുബന്ധ സംഘടനകള്‍ക്കുമെതിരെ ശക്തമായ നടപടിയെടുക്കുമെന്ന് ഷെരീഫ് ഒബാമയ്ക്ക് ഉറപ്പ് നല്‍കി.
വിദ്യാഭ്യാസം, ശാസ്ത്രം, ഉഭയകക്ഷി ബന്ധം എന്നി ശക്തിപ്പെടുത്താന്‍ ഇരു രാജ്യങ്ങളും തീരുമാനിച്ചു. എന്നാല്‍ പാകിസ്ഥാന്റെ ആണവായുധ നിര്‍മാണത്തെക്കുറിച്ച് ഒബാമ-ഷെരീഫ് കൂടിക്കാഴ്ചയില്‍ ചര്‍ച്ചയുണ്ടായില്ല.
Discussion about this post