ഇതിഹാസ താരം പെലെയുടെ മരണവാർത്ത ഞെട്ടലോടെയാണ് പലരും കേട്ടത് . എന്നാൽ ഇന്നും ഈ വാർത്ത അറിയാത്റ്റ ഒരാളുണ്ട് . മറ്റാരുമല്ല സാക്ഷാൽ പെലെയുടെ മാതാവ് തന്നെ. ഫുട്ബോൾ രാജാവിന്റെ മരണവാർത്ത അദ്ദേഹത്തിന്റെ അമ്മ സെലസ്റ്റിക്ക് ഇതുവരെ അറിയില്ല.
പെലെയുടെ മരണവിവരം പ്രായാധിക്യം മൂലം മറവി രോഗം ബാധിച്ച അമ്മ തിരിച്ചറിഞ്ഞിട്ടില്ലെന്നാണ് വിദേശ മാദ്ധ്യമങ്ങളുടെ റിപ്പോർട്ട്. കുറച്ച് ദിവസങ്ങൾക്ക് മുൻപാണ് പെലെയുടെ അമ്മ നൂറാം ജന്മദിനം ആഘോഷിച്ചത് .
അമ്മയുടെ പിറന്നാൾ ദിനത്തിൽ പെലെ സെലസ്റ്റിനൊപ്പം നിൽക്കുന്ന ചിത്രം സോഷ്യൽ മീഡിയയിൽ പോസ്റ്റ് ചെയ്യുകയും ഹൃദയസ്പർശിയായ ഒരു സന്ദേശം പോസ്റ്റ് ചെയ്യുകയും ചെയ്തിരുന്നു. ‘ ഇന്ന് ഞങ്ങൾ അമ്മയുടെ ജീവിതത്തിന്റെ 100 വർഷം ആഘോഷിക്കുന്നു. കുട്ടിക്കാലം മുതൽ സ്നേഹത്തിന്റെയും സമാധാനത്തിന്റെയും യഥാർത്ഥ പ്രാധാന്യം അമ്മ എന്നെ പഠിപ്പിച്ചു. അമ്മയുടെ കുട്ടിയാകാൻ നൂറുകണക്കിന് കാരണങ്ങളുണ്ട്. ഈ ദിവസം ആഘോഷിക്കാൻ വളരെ വികാരത്തോടെ ഈ ഫോട്ടോ പങ്കിടുന്നു. എന്റെ അരികിലുള്ള എല്ലാ ദിവസവും അമ്മയ്ക്ക് നന്ദി.’ഇത്തരത്തിലായിരുന്നു കുറിപ്പ് .
അതിനു ദിവസങ്ങൾക്കകമാണ് പെലെ ജീവിതത്തോട് വിട പറഞ്ഞത്. അമ്മയെ നോക്കുന്നത് പെലെയുടെ സഹോദരി മരിയ ലൂസിയയാണ്. ‘ഞങ്ങൾ ഇതിനെക്കുറിച്ച് സംസാരിച്ചു. എന്നാൽ കാര്യത്തിന്റെ പ്രാധാന്യം മനസ്സിലാക്കാൻ അമ്മയ്ക്ക് കഴിഞ്ഞില്ല. “ മരിയ പറയുന്നു. പെലെയുടെ പേര് പറഞ്ഞപ്പോൾ അമ്മ കണ്ണുതുറന്ന് അദ്ദേഹത്തിനു വേണ്ടി പ്രാർത്ഥിക്കാൻ തുടങ്ങിയെന്നും മരിയ കൂട്ടിച്ചേർത്തു.
Discussion about this post