ന്യൂഡൽഹി : ബോളിവുഡ് താരം കങ്കണ റണാവത്തിന്റെ ഔദ്യോഗിക ട്വിറ്റർ അക്കൗണ്ട് വീണ്ടെടുത്തു. നിയമലംഘനം ആരോപിച്ച് സസ്‌പെന്റ് ചെയ്ത അക്കൗണ്ടാണ് താരം വീണ്ടെടുത്തത്. കങ്കണ തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. തുടർന്ന് ഇവരെ സ്വാഗതം ചെയ്തുകൊണ്ട് നിരവധി പ്രമുഖർ രംഗത്തെത്തി.
” തിരിച്ചു വന്നതിൽ സന്തോഷം” എന്നാണ് കങ്കണ ട്വീറ്റ് ചെയ്തത്. ഇതിന് പിന്നാലെ കങ്കണയുടെ ഏറ്റവും പുതിയ ചിത്രം ” എമർജൻസി” യുടെ ചിത്രീകരണം വിജയകരമായി പൂർത്തിയായതായും താരം അറിയിച്ചു. ഇതിന്റെ മേക്കിംഗ് വീഡിയോയും പങ്കുവെച്ചിട്ടുണ്ട്. 2023 ഒക്ടോബർ 20 ന് ചിത്രം തിയേറ്ററുകളിൽ എത്തും.
https://twitter.com/KanganaTeam/status/1617855473587474436?fbclid=IwAR1lk9_lEDLZ4PzxLEF5cL2VgEDpzloFQOFKdPy6jhohGUXyAKD_VjNOU5g
https://twitter.com/KanganaTeam/status/1617857042143940608
2021 ലാണ് കങ്കണ റണാവത്തിന്റെ ട്വിറ്റർ അക്കൗണ്ട് സസ്‌പെന്റ് ചെയ്തത്. നിയമലംഘനങ്ങൾ നടത്തിയെന്ന് ആരോപിച്ചായിരുന്നു നടപടി. തുടർന്ന് ട്വിറ്റർ ഇലോൺ മസ്‌ക് ഏറ്റെടുത്തതോടെ കങ്കണയ്ക്ക് അക്കൗണ്ട് തിരികെ നൽകണമെന്ന് ആവശ്യപ്പെട്ട് ആരാധകരും രംഗത്തെത്തിയിരുന്നു.
