തൃശൂർ: വാടാനപ്പള്ളിയിൽ റിട്ടയേർഡ് അദ്ധ്യാപികയെ തലയ്ക്കടിച്ചു കൊന്ന് ആഭരണങ്ങൾ കവർന്ന പ്രതി പിടിയിൽ.തൃശൂർ ഗണേശമംഗലത്ത് വാലപ്പറമ്പിൽ വസന്ത(75) ആണ് കൊല്ലപ്പെട്ടത്. തളിക്കുളം എസ്എൻ യുവിപി സ്കൂളിലെ അദ്ധ്യാപികയായിരുന്നു. സംഭവത്തിൽ വസന്തയുടെ അയൽവാസി മണി എന്ന ജയരാജൻ ആണ് പിടിയിലായത്.
ഇന്ന് രാവിലെ ഏഴോടെയാണ് സംഭവം. ഗണേശമംഗലത്തെ ഇരുനിലവീട്ടിൽ വസന്ത തനിച്ചാണ് താമസിക്കുന്നത്. രാവിലെ പല്ല് തേക്കുന്നതിനിടെ പ്രതി ആക്രമിക്കുകയായിരുന്നു. ആഭരണങ്ങൾ കവരാൻ ശ്രമിക്കുന്നതിനിടെ തലയ്ക്കടിക്കുകയായിരുന്നു.
നിലവിളി കേട്ട് അയൽക്കാർ ഓടിയെത്തുമ്പോൾ മതിൽ ചാടി ഒരാൾ പോകുന്നത് ശ്രദ്ധയിൽപ്പെട്ടിരുന്നു. ഇതാണ് പോലീസിന് തുമ്പായത്. തുടർന്ന് നടത്തിയ പരിശോധനയിൽ മണിക്കൂറുകൾക്കകം പ്രതി വലയിലാവുകയായിരുന്നു. മോഷണത്തിന് വേണ്ടിയായിരുന്നു ആക്രമണമെന്ന് ജയരാജൻ സമ്മതിച്ചിട്ടുണ്ട്. ഇയാളുടെ വീട്ടിൽ നിന്ന് മോഷ്ടിച്ച ആഭരണങ്ങൾ കണ്ടെത്തി.
Discussion about this post