തിരുവനന്തപുരം: സംസ്ഥാനത്ത് മദ്യത്തിന് വീണ്ടും വില കൂട്ടാനൊരുങ്ങി ബെവ്കോ. ബജറ്റിൽ പ്രഖ്യാപിച്ചതിനേക്കാൾ 10 രൂപ കൂടി കൂട്ടാനാണ് ബെവ്കോയുടെ നീക്കം. വിൽപ്പന നികുതി വർദ്ധനവിന്റെ പേരിലാണ്, 10 രൂപ കൂടി കൂട്ടാൻ ബെവ്കോ തയ്യാറെടുക്കുന്നത് എന്നാണ് വിവരം.
500 രൂപയ്ക്ക് മുകളിലുള്ള മദ്യത്തിന് 20 രൂപ കൂടി വർദ്ധിക്കുമെന്നായിരുന്നു ധനമന്ത്രി അറിയിച്ചിരുന്നത്. എന്നാൽ, 20ന് പകരം 30 രൂപ കൂടുമെന്നാണ് ഇപ്പോൾ റിപ്പോർട്ടുകൾ വരുന്നത്. ആയിരം രൂപയ്ക്ക് മുകളിലുള്ള മദ്യത്തിന് ഒരു ബോട്ടിലിന് 40 രൂപ വർദ്ധിക്കുമെന്നായിരുന്നു ധനമന്ത്രിയുടെ പ്രഖ്യാപനം. എന്നാൽ ആയിരം രൂപയ്ക്ക് മുകളിലുള്ള മദ്യത്തിന് 40 രൂപക്ക് പകരം 50 രൂപ വർദ്ധിക്കുമെന്നാണ് ബെവ്കോ അറിയിക്കുന്നത്.
ഇന്ധനത്തിനും മദ്യത്തിനും വില വർദ്ധിപ്പിച്ചത് പാവപ്പെട്ടവർക്ക് കഞ്ഞി കുടിക്കാനാണെന്നായിരുന്നു ധനമന്ത്രി പറഞ്ഞത്. സാമൂഹ്യ സുരക്ഷാ പെൻഷൻ നൽകാൻ 11,000 കോടി രൂപ വേണം. പെൻഷൻ കൊടുക്കാൻ പണമില്ലെന്ന് പറഞ്ഞ് അത് കൊടുക്കാതിരിക്കാനാവില്ല. അതിനാണ് ഇന്ധനത്തിനും മദ്യത്തിനും വില കൂട്ടുന്നതെന്നും ധനമന്ത്രി ന്യായീകരിച്ചിരുന്നു.
Discussion about this post