പൂനെ: യുവാവ് ഭാര്യാസഹോദരിയേയും രണ്ട് കുട്ടികളേയും കഴുത്ത് ഞെരിച്ച് കൊന്ന ശേഷം മൃതദേഹങ്ങൾ തീയിട്ട് കത്തിച്ചു. മഹാരാഷ്ട്രയിലെ പൂനെയിലാണ് സംഭവം. 30കാരനായ യുവാവാണ് മൂന്ന് കൊലപാതകങ്ങളും നടത്തിയത്.
ബുധനാഴ്ച വൈകിട്ടായിരുന്നു കേസിനാസ്പദമായ സംഭവം. 25 വയസ്സുള്ള യുവതിയേയും മക്കളേയുമാണ് ഇയാൾ കൊലപ്പെടുത്തിയത്. യുവതിക്ക് മറ്റ് പുരുഷന്മാരുമായി ബന്ധമുണ്ടെന്ന് ആരോപിച്ചായിരുന്നു കൊലപാതകം. സംഭവദിവസം യുവതിയുമായി ഇയാൾ തർക്കത്തിലേർപ്പെട്ടിരുന്നു. പിന്നാലെ നാലും ആറും വയസുള്ള കുട്ടികളെ കൊലപ്പെടുത്തിയ ശേഷം യുവതിയേയും കഴുത്ത് ഞെരിച്ച് കൊലപ്പെടുത്തി.
മരിച്ചുവെന്ന് ഉറപ്പാക്കിയ ശേഷം മൃതദേഹങ്ങൾ ബെഡ്ഷീറ്റും വിറകും കൂട്ടിയിട്ട് കത്തിക്കുകയായിരുന്നു. പോലീസ് ഇയാളുടെ അറസ്റ്റ് രേഖപ്പെടുത്തി. പ്രതിയെ വിശദമായി ചോദ്യം ചെയ്ത് വരികയാണെന്നും പോലീസ് അറിയിച്ചു.
Discussion about this post