പ്രിയദര്‍ശന്‍ സംവിധാനം ചെയ്ത പുതിയ ചിത്രം കൊറോണ പേപ്പേഴ്സിന്‍റെ വിജയാഘോഷത്തില്‍ പങ്കെടുത്ത് മോഹന്‍ലാല്‍. പ്രിയദര്‍ശന്‍റെ അസാന്നിധ്യത്തില്‍ ചിത്രത്തില്‍ പ്രധാന കഥാപാത്രങ്ങളെ അവതരിപ്പിച്ച ഷെയ്ന്‍ നിഗത്തിനും സിദ്ദിഖിനുമൊപ്പമാണ് കേക്ക് മുറിച്ചത് മോഹന്‍ലാല്‍ ആയിരുന്നു. ചിത്രം നന്നായിട്ടുണ്ടെന്ന് അറിഞ്ഞതായും അതില്‍ വലിയ സന്തോഷമുണ്ടെന്നും മോഹന്‍ലാല്‍ പറഞ്ഞു.
ആ സിനിമയെപ്പറ്റി കേട്ടു. വളരെ നന്നായിട്ടുണ്ടെന്ന് അറിഞ്ഞു. വലിയ സന്തോഷം. അതിലുള്ള എല്ലാവര്‍ക്കും, അഭിനയിച്ച എല്ലാവര്‍ക്കും ആശംസകള്‍ പറയുന്നു. തീര്‍ച്ചയായും പ്രിയദര്‍ശന്‍റെ ഒരു സിനിമ. അപ്പോള്‍ അതിന്‍റെ ഒരു വിജയാഘോഷമായിട്ട് അതില്‍ അഭിനയിച്ച ഒരാള്‍ക്ക് ഗുഡ് ലക്ക്. ഓള്‍ ദി ബെസ്റ്റ് ഷെയ്ന്‍ നിഗത്തിന് കേക്ക് നല്‍കിക്കൊണ്ട്പറഞ്ഞു . പ്രിയന്‍, പ്രിയന്‍റെ ഒരു അഭാവത്തില്‍ ഇതിന്‍റെയൊരു വിജയം ഞാന്‍ ആഘോഷിക്കുകയാണെന്നും , മോഹന്‍ലാല്‍ പറഞ്ഞു.
ഫോർ ഫ്രെയിംസിൻ്റെ ആദ്യ നിർമ്മാണ സംരഭമായ ഈ ചിത്രം പ്രിയദർശൻ തന്നെയാണ് നിർമ്മിച്ചിരിക്കുന്നത് . ശ്രീഗണേഷിന്റേതാണ് കഥ. ഷെയ്ൻ നിഗത്തിന് പുറമെ ഷൈൻ ടോം ചാക്കോയും ചിത്രത്തിലുണ്ട് തമിഴ് താരം ഗായത്രി ശങ്കറാണ് ചിത്രത്തിലെ നായിക. ഗായത്രി ശങ്കർ,സിദ്ധിഖ്, ഹന്ന റെജി കോശി, സന്ധ്യ ഷെട്ടി, പി പി കുഞ്ഞികൃഷ്ണന്‍, മണിയന്‍ പിള്ള രാജു, ജീൻ പോൾ ലാൽ, ശ്രീ ധന്യ, വിജിലേഷ്, മേനക സുരേഷ് കുമാര്‍, ബിജു പാപ്പന്‍, ശ്രീകാന്ത് മുരളി, നന്ദു പൊതുവാൾ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്
Discussion about this post