ന്യൂഡൽഹി: പാകിസ്താനിൽ ന്യൂനപക്ഷങ്ങൾക്കെതിരായ ആക്രമണങ്ങൾ തുടർക്കഥയാകുന്ന സാഹചര്യത്തിൽ, ഇത്തരം വിഷയങ്ങളിലുള്ള പ്രതിഷേധം ഇന്ത്യ ശക്തമാക്കുമെന്ന് വിദേശകാര്യ വക്താവ് അരിന്ദം ബഗ്ചി. ന്യൂനപക്ഷങ്ങൾക്കെതിരായ ആക്രമണങ്ങളിൽ പാകിസ്താനിലെ അന്വേഷണ ഏജൻസികൾ കാര്യക്ഷമമായി പ്രവർത്തിക്കണം. കുറ്റക്കാർക്കെതിരെ ശക്തമായ നടപടി സ്വീകരിക്കണമെന്നും ഇന്ത്യ ആവശ്യപ്പെട്ടു.
പാകിസ്താനിൽ മനുഷ്യാവകാശ പ്രവർത്തകരും മാദ്ധ്യമ പ്രവർത്തകരും നിരന്തരം ആക്രമിക്കപ്പെടുകയാണ്. ഇത്തരം സംഭവങ്ങൾ പരിഷ്കൃതമായ ഒരു ജനാധിപത്യ സമൂഹത്തിന് ചേർന്നതല്ലെന്നും വിദേശകാര്യ മന്ത്രാലയം വ്യക്തമാക്കി.
പാകിസ്താനിൽ കഴിഞ്ഞയാഴ്ചയായിരുന്നു ഹിന്ദു വിഭാഗത്തിൽ പെട്ട സ്വകാര്യ വാർത്താ ചാനൽ ജീവനക്കാരനെ അക്രമികൾ തട്ടിക്കൊണ്ട് പോയത്. കറാച്ചിയിലെ വീട്ടിൽ നിന്നും ഇദ്ദേഹത്തെ പിടിച്ചുകൊണ്ട് പോവുകയായിരുന്നു.
Discussion about this post