ഭാര്യയുടെ പ്ലാസന്റ പാകം ചെയ്ത് കഴിച്ച് തായ് വാനീസ് നടൻ ബെഞ്ചമിൻ വോംഗ്. 40 കാരനായ ബെഞ്ചമിനും ഭാര്യ സിൻഡിയും പ്ലാസന്റ പാകം ചെയ്ത് കഴിക്കുന്ന വീഡിയോ വൈറലാവുകയാണ്. നിരവധി പേർ സമ്മിശ്ര പ്രതികരണങ്ങളുമായി രംഗത്തെത്തി.
അടുത്തിടയാണ് ദമ്പതികൾക്ക് ഒരു കുഞ്ഞ് പിറന്നത്. ഇതിന് പിന്നാലെയാണ് പ്ലാസന്റ പാകം ചെയ്ത് ഭാര്യയോടൊപ്പം കഴിക്കുന്നതിന്റെ വീഡിയോ അദ്ദേഹം പങ്കുവച്ചത്. പ്രസവം അമ്മമാർക്ക് ഏറെ ശാരീരിക ബുദ്ധിമുട്ടുണ്ടാക്കുന്ന കാര്യമാണ്. അതിനാൽ ശരീരത്തെ പരിപോഷിപ്പിക്കാൻ ഏറ്റവും നല്ല മാർഗ്ഗം പ്ലാസൻറ കഴിക്കുന്നതാണ് എന്ന് കേട്ടിട്ടുണ്ട് എന്ന കുറിപ്പോടെയായിരുന്നു അദ്ദേഹം വീഡിയോ പങ്കുവെച്ചത്.
ഗർഭാവസ്ഥയിൽ ഗർഭാശയത്തിൽ വികസിക്കുന്ന ഒരു അവയവമാണ് പ്ലാസന്റ, മറുപിള്ള എന്നും ഇത് അറിയപ്പെടുന്നു. ഈ അവയവം ഗർഭാശയത്തിൽ വളരുന്ന കുഞ്ഞിന് ഓക്സിജനും പോഷകങ്ങളും നൽകുന്നു. ഇത് കുഞ്ഞിൻറെ രക്തത്തിൽ നിന്ന് മാലിന്യങ്ങൾ നീക്കം ചെയ്യാനും സഹായിക്കുന്നു. ഈ പ്ലാസന്റ കഴുകി വൃത്തിയാക്കി, തായ്വാനി രീതിയിൽ പാചകം ചെയ്ത പ്ലാസൻറ ഭാര്യയോടൊപ്പം ഇരുന്ന് കഴിക്കുന്നതിൻറെ വീഡിയോയാണ് ബെഞ്ചമിൻ പോസ്റ്റ് ചെയ്തിരിക്കുന്നത്.
ഒരു കൂട്ടം ആളുകൾ ദമ്പതിമാരുടെ പ്രവർത്തിയെ വിമർശിക്കുകയും എതിർപ്പ് രേഖപ്പെടുത്തുകയും ചെയ്തപ്പോൾ മറ്റൊരു വിഭാഗം ആളുകൾ ഇരുവരെയും അഭിനന്ദിച്ചു
Discussion about this post