അറബിക്കടലിൽ ചുഴലിക്കാറ്റ് ; തീവ്ര ന്യൂനമർദ്ദം അതിതീവ്രമായി; സംസ്ഥാനത്ത് മഴ ശക്തമാകുമെന്ന് മുന്നറിയിപ്പ്

കോഴിക്കോട്: തെക്ക് കിഴക്കൻ അറബിക്കടലിലെ തീവ്ര ന്യൂനമർദ്ദം അതിതീവ്ര ന്യൂനമർദ്ദമായി. അടുത്ത ആറ് മണിക്കൂറിനുള്ളിൽ വടക്ക് ദിശയിൽ സഞ്ചരിച്ചു മധ്യ കിഴക്കൻ അറബിക്കടലിൽ ചുഴലിക്കാറ്റായി മാറാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.  ഇതോടെ  വരും ദിവസങ്ങളിൽ സംസ്ഥാനത്ത്  മഴ ശക്തമാകുമെന്നും കാലാവസ്ഥാ കേന്ദ്രം  മുന്നറിയിപ്പ് നൽകുന്നു.

ഇന്ന് മുതൽ ഞായറാഴ്ചവരെ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്കും മണിക്കൂറിൽ 30 മുതൽ 40 കി.മീ വരെ വേഗതയിൽ വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മഴയുടെ പശ്ചാത്തലത്തിൽ വിവിധ ജില്ലകളിൽ യെല്ലോ അലർട്ട് പ്രഖ്യാപിച്ചു ജൂൺ ആറ്, ഏഴ് തിയതികളിൽ കേരള തീരങ്ങളിൽ ശക്തമായ കാറ്റിനും കടൽ പ്രക്ഷുബ്ധമാകാനും സാധ്യതയുണ്ട്.

വിവിധ ജില്ലകളിലെ മഴ മുന്നറിയിപ്പ് ഇങ്ങനെ

06-06 -2023: പത്തനംതിട്ട, ഇടുക്കി—മഞ്ഞ അലർട്ട്

07-06 -2023: പത്തനംതിട്ട, ആലപ്പുഴ——മഞ്ഞ അലർട്ട്

08-06 -2023: ആലപ്പുഴ, എറണാകുളം—-മഞ്ഞ അലർട്ട്

09-06 -2023: തിരുവനന്തപുരം, കൊല്ലം—-മഞ്ഞ അലർട്ട്

10-06 -2023: പത്തനംതിട്ട, ഇടുക്കി—–മഞ്ഞ അലർട്ട്