ആനയുടെ വാലിൽ മുതല കടിച്ചാൽ എന്തായിരിക്കും അവസ്ഥ. എത്ര ചിന്തിച്ച് നോക്കിയാലും ഉത്തരം പിടികിട്ടാൻ ഒരൽപം ബുദ്ധിമുട്ടാണ്. കരയിലെ ഏറ്റവും വലിയ ജീവിയൊക്കെ ആണെങ്കിലും മുതലപ്പിടുത്തം ആനയെ ഒന്ന് ആശങ്കയിലാക്കാൻ സാധ്യതയുണ്ട്. അത്തരത്തിൽ ഒരു സംഭവവുമായി ബന്ധപ്പെട്ട വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധനേടുന്നത്.
വെള്ളത്തിലൂടെ നീന്തുന്നതിനിടെയാണ് ആനയുടെ വാലിൽ മുതല കടിച്ചത്. ഇതോടെ ആന വെള്ളത്തിൽ കിടന്ന പുളയാൻ തുടങ്ങി. പിൻഭാഗത്ത് ആയതുകൊണ്ട് തന്നെ ആനയ്ക്ക് മുതലയുടെ പിടിത്തം കിട്ടിയില്ല. കുറെയേറെ കഷ്ടപ്പെടുത്താൻ ശ്രമിച്ചെങ്കിലും പിന്മാറില്ല എന്ന ദൃഢനിശ്ചയത്തിലായിരുന്നു മുതല.
ഇതോടെ ആന പതിയെ കരയിലേക്ക് കയറുകയായിരിന്നു. തുടർന്ന് മുതലയെ പിൻകാലുകൊണ്ടൊന്ന് അടിച്ചിട്ട ശേഷം ഒന്നും കൂസാതെ മുന്നോട്ട് നടന്നു.
എന്തായാലും വീഡിയോ ശ്രദ്ധ നേടിയതോടെ പ്രതികരണവുമായി നിരവധി പേരാണ് രംഗത്തെത്തിയത്. ആനയുടെ ചവിട്ടേറ്റ് മുതല ചത്തുപോയിക്കാണുമെന്നാണ് വീഡിയോ കണ്ട പലരും പറഞ്ഞത്. കാരണം ആന പോയ ശേഷം പിന്നീട് അവിടെ മുതലയുടെ നിഴൽ പോലും കാണാനില്ലായിരുന്നു.
Discussion about this post