തിരുവന്തപുരം: പാർട്ടി പറഞ്ഞാൽ ലോക്സഭാ തിരഞ്ഞെടുപ്പിൽ തിരുവനന്തപുരത്ത് നിന്ന് താൻ മത്സരിക്കുമെന്ന് ശശി തരൂർ എംപി. തിരുവനന്തപുരത്ത് നരേന്ദ്രമോദി എതിരേ മത്സരിച്ചാലും താൻ ജയിക്കുമെന്ന് തരൂർ ആത്മവിശ്വാസം പ്രകടിപ്പിച്ചു.
ലോക്സഭാ തിരഞ്ഞെടുപ്പിൽ തിരുവനന്തപുരം ആർക്കെങ്കിലും വിട്ടുകൊടുക്കണമെന്ന് കരുതിയിരുന്നു. പക്ഷേ സാഹചര്യം കാണുമ്പോൾ മനസ് മാറി. തിരഞ്ഞെടുപ്പിന് വേണ്ടിയുള്ള പ്രവർത്തനങ്ങൾ ആരംഭിച്ചുവെന്നും തരൂർ കൂട്ടിച്ചേർത്തു.
രാഷ്ട്രീയത്തിൽ മൂന്ന്് വിധത്തിൽ തിരഞ്ഞെടുപ്പുണ്ട്. പല സമയങ്ങളിലാണ് ലോക്സഭാ, നിയമസഭാ തിരഞ്ഞെടുപ്പുകൾ. ഓരോ സമയത്തെയും സാഹചര്യവും ആവശ്യവും നോക്കി തീരുമാനിക്കും. അപ്പോഴത്തെ സാഹചര്യം നോക്കി കാര്യങ്ങൾ തീരുമാനിക്കുമെന്ന് ശശി തരൂർ കൂട്ടിച്ചേർത്തു.
Discussion about this post