വെള്ളിത്തിരയിൽ നാലരപ്പതിറ്റാണ്ടു തികക്കുന്ന അബു സലിം അറുപത്തേഴാം വയസ്സിൽ നായകനാകുന്നു. പുലിമട എന്ന ചിത്രത്തിന് ശേഷം എ.കെ. സാജൻ സംവിധാനം ചെയ്യുന്ന “അർനോൾഡ് ശിവശങ്കരൻ’ എന്ന ചിത്രത്തിലാണു നായകനായി അബു എത്തുന്നത്. വില്ലനായും കൊമേഡിയനായും മലയാളത്തിനൊപ്പം ഇതരഭാഷകളിലും സജീവമായ നടനാണ് അബു സലിം.
1978ൽ കഥ എന്ന ചിത്രത്തിലൂടെയാണ് അബു സലിം തന്റെ അഭിനയ ജീവിതം ആരംഭിക്കുന്നത്. ശേഷം 1984ൽ മിസ്റ്റർ ഇന്ത്യയുമായി. ഹോളിവുഡ് താരം അർനോൾഡ് ഷ്വാസനെഗറുടെ കടുത്ത ആരാധകനായ അബു സലിം ‘ഐ’ എന്ന ചിത്രത്തിന്റെ ഓഡിയോ ലോഞ്ചിനിടയിൽ അർനോൾഡിനെ നേരിട്ട് കണ്ടതും വലിയ വാർത്ത ആയിരുന്നു.
പുതിയ ചിത്രത്തിൽ അബു സലീമിനൊപ്പം ലുക്മാൻ അവറാനും ചിത്രത്തിലുണ്ട്. ശരത് കൃഷ്ണയുടേതാണു തിരക്കഥ. സിനിമയുടെ കൂടുതൽ വിവരങ്ങൾ അണിയറ പ്രവർത്തകർ അടുത്ത ദിവസങ്ങളിൽ പുറത്തുവിടും.
Discussion about this post