ഡല്‍ഹി: ധനമന്ത്രി അരുണ്‍ ജയ്റ്റ്‌ലിക്ക് പിന്തുണ അറിയിച്ച് ഇന്ത്യന്‍ ടെസ്റ്റ് ടീം ക്യാപ്റ്റന്‍ വിരാട് കോഹ്!ലിയും രംഗത്തെത്തി. ക്രിക്കറ്റിനെ എപ്പോഴും മെച്ചപ്പെടുത്താന്‍ ആഗ്രഹിച്ചിരുന്ന വ്യക്തിയായിരുന്നു അരുണ്‍ ജെയ്റ്റ്‌ലി. കളിക്കാര്‍ക്ക് വേണ്ട സഹായങ്ങള്‍ ഏതു സമയത്തും ചെയ്യുമായിരുന്നു.
അദ്ദേഹം ഞങ്ങളുടെ അസോസിയേഷന്റെ പ്രസിഡന്റായി പ്രവര്‍ത്തിച്ചതില്‍ ഏറെ സന്തോഷമുണ്ടെന്നും കോഹ്!ലി തന്റെ ട്വിറ്റര്‍ പേജിലൂടെ അറിയിച്ചു. അരുണ്‍ ജയ്റ്റ്‌ലിയുടെ നേതൃകാലയളവില്‍ ഡല്‍ഹി ക്രിക്കറ്റ് ഭരണസമിതി (ഡിഡിസിഎ) ഇല്ലാത്ത കമ്പനികള്‍ക്കു കോടികള്‍ നല്‍കിയതായി വ്യാജ രേഖകള്‍ ചമച്ചു വന്‍ കൊള്ള നടത്തിയതിനായി മുന്‍ ക്രിക്കറ്റ് താരവും ബിജെപി എംപിയുമായ കീര്‍ത്തി ആസാദാണ് ആരോപണം ഉന്നയിച്ചത്. ഇതിന്റെ തെളിവുകള്‍ അദ്ദേഹം ഇന്നലെ പുറത്തുവിട്ടിരുന്നു.
ഇന്നലെ അരുണ്‍ ജെയ്റ്റ്‌ലിക്കു പിന്തുണയുമായി ക്രിക്കറ്റ് താരങ്ങളായ വീരേന്ദര്‍ സേവാഗും ഗൗതം ഗംഭീറും രംഗത്തെത്തിയിരുന്നു. പ്രതിസന്ധിഘട്ടങ്ങളിലെന്നും കളിക്കാര്‍ക്കൊപ്പമായിരുന്നു ജെയ്റ്റ്‌ലിയെന്നു ഇരുവരും പറഞ്ഞു. കളിക്കാര്‍ക്ക് അര്‍ഹമായ പരിഗണനയും നല്‍കിയിരുന്നുവെന്നും ഇരുവരും പറഞ്ഞു.
Discussion about this post