ചെന്നൈ: തമിഴ്‌നടൻ ശിവകാർത്തികേയൻ വഞ്ചിച്ചെന്ന ആരോപണവുമായി സംഗീത സംവിധായകൻ ഡി ഇമ്മൻ. ഇനി ജീവിതത്തിൽ അദ്ദേഹത്തോട് സഹകരിക്കില്ലെന്നും അദ്ദേഹം പറഞ്ഞു. സ്വകാര്യ യൂട്യൂബ് ചാനലിന് നൽകി അഭിമുഖത്തിലായിരുന്നു ശിവകാർത്തികേയനെതിരെ ഇമ്മൻ രംഗത്ത് എത്തിയത്.
ഇന്നലെയായിരുന്നു അഭിമുഖം പുറത്തുവന്നത്. ശിവകാർത്തികേയൻ ചതിച്ചു. ഭാവിയിൽ അദ്ദേഹത്തിന്റെ സിനിമകൾക്ക് സംഗീത സംവിധാനം നിർവ്വഹിക്കില്ല. ശിവകാർത്തികേയന്റെ വഞ്ചന ജീവിതത്തെ മാറ്റിമറിച്ചുവെന്നും അദ്ദേഹം കൂട്ടിച്ചേർത്തു. എന്നാൽ എന്താണ് പ്രശ്‌നം എന്നകാര്യം ഇമ്മാൻ അഭിമുഖത്തിൽ വെളിപ്പെടുത്തിയിട്ടില്ല.
വലിയ ഒരു ദ്രോഹമാണ് തന്നോട് ഇമ്മാൻ ചെയ്തത്. അത് പുറത്തുപറയാൻ കഴിയില്ലെന്നും അദ്ദേഹം പറഞ്ഞു. അടുത്തിടെ ഇമ്മാനും ശിവകാർത്തികേയനും തമ്മിൽ പ്രശ്‌നങ്ങൾ ഉള്ളതായി റിപ്പോർട്ടുകൾ പുറത്തുവന്നിരുന്നു. ഇതിന് പിന്നാലെയാണ് ഞെട്ടിക്കുന്ന വെളിപ്പെടുത്തലുമായി ഇമ്മാൻ രംഗത്തുവരുന്നത്.
തമിഴിലെ പ്രശസ്ത സംഗീത സംവിധായകനാണ് ഇമ്മാൻ. ശിവകാർത്തികേയന്റെ സിനിമകൾക്കും അദ്ദേഹം സംഗീതം നൽകിയിരുന്നു. എന്നാൽ ശിവകാർത്തികേയന്റെ തുടക്ക കാലത്തെ സിനിമകൾക്ക് മാത്രമായിരുന്നു ഇത്.
