“ഇത് ആത്മ നിര്‍ഭര്‍ ഭാരതം; ഇന്ത്യയില്‍ നിര്‍മ്മിച്ച ഐഫോണാണ് തന്റെ കൈയ്യിലെന്ന് അമേരിക്കക്കാരനോട് പറഞ്ഞപ്പോള്‍ അതിയായ അഭിമാനം തോന്നി”: ആനന്ദ് മഹീന്ദ്ര

മുംബൈ : മെയ്ഡ് ഇന്‍ ഇന്ത്യ ഫോണ്‍ സ്വന്തമാക്കിയതിലെ സന്തോഷം പങ്കിട്ട് ഇന്ത്യന്‍ വ്യവസായിയും മഹീന്ദ്ര ഗ്രൂപ്പ് ചെയര്‍മാനുമായ ആനന്ദ മഹീന്ദ്ര. തന്റെ കൈയ്യിലുള്ളത് ഇന്ത്യയില്‍ നിര്‍മ്മിച്ച ഐഫോണാണെന്ന് ഒരു അമേരിക്കക്കാരനോട് പറഞ്ഞപ്പോള്‍ അതിയായ അഭിമാനം തോന്നിയതായി അദ്ദേഹം പറഞ്ഞു. അടുത്ത വര്‍ഷം മുതല്‍ പിക്‌സല്‍ ഫോണുകള്‍ ഇന്ത്യയില്‍ നിര്‍മ്മിക്കുമെന്ന ഗൂഗിളിന്റെ പ്രഖ്യാപനത്തില്‍ സന്തോഷം പ്രകടിപ്പിച്ചാണ് ആനന്ദ് മഹീന്ദ്രയുടെ കുറിപ്പ്. തന്റെ ഔദ്യോഗിക എക്‌സ് അക്കൗണ്ടിലൂടെയാണ് അദ്ദേഹത്തിന്റെ പ്രതികരണം.

“അടുത്തിടെ അമേരിക്കയില്‍ സന്ദര്‍ശനത്തിന് എത്തിയപ്പോള്‍ അവിടുത്തെ സിം വാങ്ങാനായി ഒരു ഫോണ്‍ കടയില്‍ കയറിയിരുന്നു. കടക്കാരനോട് ഞാന്‍ എന്റെ കൈയ്യിലെ ഐഫോണ്‍ കാട്ടി ഇത് എന്റെ രാജ്യമായ ഭാരതത്തില്‍ നിര്‍മ്മിച്ചതാണെന്ന് പറഞ്ഞു. അപ്പോള്‍ അദ്ദേഹം പുരികമൊന്ന് ഉയര്‍ത്തുന്നത് കണ്ടു. അത് കണ്ടപ്പോള്‍ എനിക്ക് അഭിമാനമാണ് തോന്നിയത്. എന്റെ കയ്യില്‍ ഇപ്പോള്‍ ഗൂഗിള്‍ പിക്സലും ഉണ്ട്. എന്നാല്‍ അടുത്ത വര്‍ഷം ഭാരതത്തില്‍ നിര്‍മ്മിച്ച പിക്സലാകും ഞാന്‍ ഉപയോഗിക്കുക. അതും ഇന്ത്യയില്‍ നിര്‍മ്മിച്ചതാണെന്ന് അപ്പോള്‍ എനിക്ക് അഭിമാനത്തോടെ പറയാന്‍ സാധിക്കും. അന്നു പക്ഷേ ആരും പുരികം ഉയര്‍ത്തി നോക്കില്ല, കാരണം അപ്പോഴേക്കും ഭാരതം ലോകത്തെ നയിക്കുന്ന ആഗോള നിര്‍മ്മാണ ശക്തിയായി മാറി കഴിഞ്ഞിരിക്കും”, ആനന്ദ് മഹീന്ദ്ര കുറിച്ചു.

ആത്മ നിര്‍ഭര്‍ ഭാരതത്തിനായുള്ള കേന്ദ്ര സര്‍ക്കാരിന്റെ പരിശ്രമത്തില്‍ ആപ്പിളിനും സാംസങ്ങിനും പുറമേ ടെക് ഭീമന്‍മാരായ ഗൂഗിളും പിക്‌സല്‍ അടുത്ത പിക്‌സല്‍ ഫോണുകള്‍ ഇന്ത്യയില്‍ നിര്‍മ്മിക്കുമെന്ന പ്രഖ്യാനപത്തോട് വന്‍ സ്വീകര്യതയാണ് ആഗോള തലത്തില്‍ ലഭിക്കുന്നത്. ഗൂഗിള്‍ 2024 ല്‍ പുറത്തിറക്കുന്ന ഏറ്റവും പുതിയ മോഡല്‍ പിക്‌സല്‍ സ്മാര്‍ട്ട്‌ഫോണുകളാണ് ിന്ത്യയില്‍ നിര്‍മ്മിക്കുമെന്ന് പ്രഖ്യാപിച്ചിരിക്കുന്നത്. ടെക് നിര്‍മ്മാണ മേഖലയില്‍ ഇന്ത്യയുടെ വര്‍ദ്ധിച്ചുവരുന്ന സ്വാധീനത്തെ ഈ തീരുമാനം കൂടുതല്‍ എടുത്തുകാണിക്കുന്നതാണെന്ന് അഭിപ്രായം ഉയരുന്നു.

I recently was in a Verizon store in the U.S to get a local sim and proudly informed the salesperson that my iPhone 15 was made in India. It was a particular pleasure to see his raised eyebrows! I also have a Google Pixel. I will switch to the India-made version when it’s out. So… https://t.co/QouFIOSu1M

— anand mahindra (@anandmahindra) October 20, 2023

അനന്ദ് മഹീന്ദ്രയുടെ കുറിപ്പ് നിമിഷം നേരം കൊണ്ടാണ് സമൂഹ മാദ്ധ്യമത്തില്‍ വൈറലായത്. ഭാരതത്തെ ആത്മനിര്‍ഭരതയിലേക്ക് എത്തിക്കാനുള്ള ആനന്ദ് മഹീന്ദ്രയുടെ പങ്കിനെ കുറിച്ചും അഭിനന്ദിച്ച് നിരവധി പേര്‍ രംഗത്തെത്തി. നിമിഷനേരം കൊണ്ട് 1 മില്യണ്‍ കാഴ്ചക്കാരാണ് അദ്ദേഹം പങ്കുവെച്ച പോസ്റ്റ് കണ്ടത്.