കൊല്ലം: പത്തനാപുരത്ത് 14 കാരന് ക്രൂര പീഡനം. വസ്ത്രം അഴിപ്പിച്ച് ജനനേന്ദ്രീയത്തിൽ കത്തിവച്ചു. സംഭവത്തിൽ അഞ്ച് പേരെ പോലീസ് കസ്റ്റഡിയിൽ എടുത്തു.
മാങ്കോട് സ്വദേശിയായ 14 കാരനാണ് ആക്രമണത്തിന് ഇരയായത്. സംഭവത്തിൽ മാങ്കോട് സ്വദേശികളായ അജിത്ത്(26), രാജേഷ്(31), അഖിൽ(25), അനീഷ്(25), അജിത്ത്(30) എന്നിവരെ കസ്റ്റഡിയിലായത്. ഇവർക്കെതിരെ പോക്‌സോ നിയമപ്രകാരം കേസ് എടുത്തു.
കൂട്ടുകാരനെ വീട്ടിലേക്ക് വിളിച്ചുകൊണ്ടുവരാനായി ടൗണിലേക്ക് പോയത് ആയിരുന്നു കുട്ടി. ഈ സമയം അജിതും സുഹൃത്തുക്കളും ചേർന്ന് മദ്യപിക്കുകയായിരുന്നു. കുട്ടിയെ കണ്ട ഇവർ വിലകൂടിയ പാന്റ്‌സും ഷർട്ടുമാണല്ലോ ധരിച്ചിരിക്കുന്നത് എന്ന് പറഞ്ഞ് വസ്ത്രങ്ങൾ അഴിപ്പിക്കുകയായിരുന്നു.
വിസമ്മതിച്ച കുട്ടിയെ തല്ലിയും ഭീഷണിപ്പെടുത്തിയും പ്രതികൾ ചേർന്ന് വിവസ്ത്രനാക്കി. ശേഷം ജനനേന്ദ്രീയത്തിൽ കത്തിവച്ച് മുറിയ്ക്കാൻ ശ്രമിക്കുകയായിരുന്നു. ഇതോടെ കുട്ടി ഉറക്കെ കരഞ്ഞു. ആളുകൾ കൂടുമെന്ന് ആയതോടെ പ്രതികൾ കുട്ടിയെ വെറുതെ വിടുകയായിരുന്നു. സംഭവത്തിൽ പോലീസ് കുട്ടിയുടെ മൊഴി രേഖപ്പെടുത്തി.
