ന്യൂഡൽഹി: നാല് സംസ്ഥാനങ്ങളിലേക്ക് നടന്ന നിയമസഭാ തിരഞ്ഞെടുപ്പുകളിലെ വോട്ടെണ്ണൽ ആരംഭിച്ചു. പോസ്റ്റൽ വോട്ടുകളാണ് ആദ്യം എണ്ണുന്നത്. ആദ്യ ഫലസൂചനകൾ പ്രകാരം രാജസ്ഥാനിൽ ബിജെപിക്കാണ് മുന്നേറ്റം. മദ്ധ്യപ്രദേശിലും ഛത്തീസ്ഗഢിലും കോൺഗ്രസും ബിജെപിയും ഒപ്പത്തിനൊപ്പമാണ് മുന്നേറുന്നത്. തെലങ്കാനയിൽ ആദ്യ ഫലസൂചനകൾ ബി ആർ എസിന് അനുകൂലമാണ്.
രാജസ്ഥാനിൽ 6 സീറ്റുകളിൽ ബിജെപി മുന്നേറുമ്പോൾ 5 സീറ്റുകളിൽ കോൺഗ്രസാണ് മുന്നിൽ. മദ്ധ്യപ്രദേശിൽ 8 സീറ്റുകളിൽ ബിജെപി മുന്നിട്ട് നിൽക്കുമ്പോൾ 5 സീറ്റുകളിലാണ് കോൺഗ്രസ് മുന്നിട്ട് നിൽക്കുന്നത്. ഛത്തീസ്ഗഢിൽ ബിജെപിയും കോൺഗ്രസും 5 വീതം സീറ്റുകളിൽ മുന്നിട്ട് നിൽക്കുകയാണ്. തെലങ്കാനയിൽ ബി ആർ എസും കോൺഗ്രസും 3 വീതം സീറ്റുകളിൽ മുന്നിട്ട് നിൽക്കുന്നു.
എക്സിറ്റ് പോൾ ഫലങ്ങളിൽ മദ്ധ്യപ്രദേശിലും രാജസ്ഥാനിലും ബിജെപി മുന്നേറ്റമാണ് പ്രവചിക്കപ്പെട്ടിരിക്കുന്നത്. ഛത്തീസ്ഗഢിൽ കോൺഗ്രസിന് മുൻതൂക്കം പ്രവചിക്കപ്പെട്ടിരുന്നുവെങ്കിലും നിലവിൽ ബിജെപിയാണ് മുന്നിൽ. തെലങ്കാനയിൽ കോൺഗ്രസും ബി ആർ എസും തമ്മിൽ ശക്തമായ പോരാട്ടമാണ് നടക്കുന്നത്.
