മലപ്പുറം: കിഴിശ്ശേരിയിൽ വൈദ്യുതി വേലിയിൽ നിന്നും ഷോക്കേറ്റ് വിദ്യാർത്ഥി മരിച്ചു. കുഴിഞ്ഞൊളം സ്വദേശി അബ്ദുറസാഖിന്റെ മകൻ സിനാൻ (17) ആണ് മരിച്ചത്. ഷോക്കേറ്റ സിനാന്റെ സുഹൃത്ത് ഷംനാദ് പരിക്കുകളോടെ കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്.
ഇന്നലെ ആയിരുന്നു സംഭവം. സ്വകാര്യവ്യക്തിയുടെ കൃഷിയിടത്തിൽ നിന്നാണ് ഇരുവർക്കും ഷോക്കേറ്റത്. കാട്ടു പന്നി ശല്യം തടയാനായാണ് ഇവിടെ വൈദ്യുതിവേലി സ്ഥാപിച്ചത്. സിനാന്റെ മൃതദേഹം മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും.
