തിരുവനന്തപുരം: നവകേരള സദസ്സിനിടെ ഗവർണർ ആരിഫ് മുഹമ്മദ് ഖാൻ ഒരുക്കുന്ന ക്രിസ്തുമസ് വിരുന്ന് ഇന്ന്. വൈകീട്ട് രാജ്ഭവനിലാണ് പരിപാടി. വിരുന്നിന് പുറമേ മറ്റ് ആഘോഷ പരിപാടികളും വൈകീട്ട് വിരുന്നിൽ സംഘടിപ്പിക്കുന്നുണ്ട്.
വിരുന്നിലേക്ക് മുഖ്യമന്ത്രിയ്ക്കും മറ്റ് മന്ത്രിമാർക്കും ക്ഷണമുണ്ട്. എന്നാൽ ഇവർ പങ്കെടുക്കാൻ സാദ്ധ്യതയില്ലെന്നാണ് സൂചന. നവകേരള സദസ്സിന്റെ പേരിൽ ഇവർ വിരുന്നിൽ നിന്നും വിട്ട് നിൽക്കാനാണ് സാദ്ധ്യത. അതേസമയം പ്രതിപക്ഷ നേതാക്കളും ഉദ്യോഗസ്ഥരും മത മേലദ്ധ്യക്ഷന്മാരും ഗവർണർ നടത്തുന്ന വിരുന്നിൽ പങ്കെടുക്കും.
നിലവിൽ ബില്ലുകൾ ഒപ്പിടുന്നതുമായും, കണ്ണൂർ വി.സി പുന;ർനിയമനവുമായെല്ലാം ബന്ധപ്പെട്ട് ഗവർണറുമായി സർക്കാർ തർക്കത്തിലാണ്. ഇതിനിടെയാണ് ഗവർണർ വിരുന്നിന് ക്ഷണിച്ചത്. ഈ സാഹചര്യത്തിൽ മുഖ്യമന്ത്രിയും മന്ത്രിമാരും പങ്കെടുക്കാനുള്ള സാദ്ധ്യത കുറവായിരുന്നു. കഴിഞ്ഞ തവണ ഗവർണറുടെ ക്രിസ്തുമസ് വിരുന്നിൽ നിന്നും മുഖ്യമന്ത്രി വിട്ടിരുന്നു.
Discussion about this post