കാലാവസ്ഥയിലുണ്ടാകുന്ന മാറ്റം നമ്മുടെ ശരീരത്തെയും ബാധിക്കുന്നുണ്ട്. പ്രത്യേകിച്ച് ശൈത്യകാലത്താണ് കൂടുതലും ബുദ്ധിമുട്ടുകള് അനുഭവപ്പെടുന്നത്. ഈ സമയത്ത് ശരീരഭാരം അമിതമായി കുറയുന്നതും മെലിയുന്നതുമൊക്കെ പലര്ക്കും ഒരു പ്രശ്നമാണ്. പ്രത്യേകിച്ച് സ്ത്രീകളെയും പെണ്കുട്ടികളെയുമാണ് ഈ പ്രശ്നങ്ങള് കൂടുതലായി അലട്ടുന്നത്. ഇതിനൊപ്പം ക്രമാതീതമായ ഭക്ഷണം പലര്ക്കും അമിതവണ്ണത്തിനും കാരണമാകുന്നുണ്ട്. എന്നാല് ഈ പ്രശ്നങ്ങള് ഈസിയായി പരിഹരിക്കാമെന്നാണ് ആരോഗ്യവിദഗ്ധര് പറയുന്നത്.
1. എപ്പോഴും ആക്ടീവായിരിക്കുക: വ്യായാമം നിങ്ങളുടെ ദിനചര്യയുടെ ഭാഗമാക്കുക. നടത്തം, ജോഗിംങ് അല്ലെങ്കില് വീട്ടില് തന്നെയുള്ള വര്ക്ക്ഔട്ടുകളില് ഏര്പ്പെടുക.സന്തോഷമായി ഇരിക്കുക.
2. പോഷകാഹാരങ്ങള് കഴിക്കുക: പോഷകസമൃദ്ധമായ ഭക്ഷണത്തിലൂടെ ആരോഗ്യകരമായ ജീവിതശൈലി ഉറപ്പാക്കുക. ലഘുഭക്ഷണത്തിനായി പഴങ്ങളും പച്ചക്കറികളും കഴിക്കുക. കൊളസ്ട്രോള് അടങ്ങുന്ന ഭക്ഷണങ്ങള് ,ഉപ്പ്, പഞ്ചസാര എന്നിവ കുറയ്ക്കുക.
3. ഭക്ഷണത്തിന്റെ അളവ് കുറയ്ക്കുക: പ്രത്യേക അവസരങ്ങളില് അമിതമായി ഭക്ഷണം കഴിക്കുന്നത് ഒഴിവാക്കുക.
4. ജലാംശം നിലനിര്ത്തുക: തണുത്ത കാലാവസ്ഥയില് ആവശ്യത്തിന് വെള്ളം കുടിക്കുന്നത് ആരോഗ്യം മെച്ചപ്പെടുത്തുകയും കൊഴുപ്പ് കുറയ്ക്കാന് സഹായിക്കുകയും ചെയ്യും. ശരിയായ ജലാംശം ദഹനത്തെ സഹായിക്കുകയും, വിശപ്പ് കുറയ്കുകയും ,ആരോഗ്യകരമായ ചര്മ്മം നിലനിര്ത്താന് സഹായിക്കുകയും ചെയ്യുന്നു.
5. വിശ്രമത്തിന് മുന്ഗണന നല്കുക: കൂടുതലായി ഉറങ്ങുന്നത് ശരീരഭാരം വര്ദ്ധിപ്പിക്കും. അത് ശരീരത്തിന്റെ ദഹനപ്രക്രിയയെ ബാധിക്കുകയും വിശപ്പ് നിയന്ത്രണം തടസ്സപ്പെടുത്തുകയും അങ്ങനെ ശരീരഭാരം വര്ദ്ധിക്കുകയും ചെയ്യുന്നു. നിങ്ങള് വൈകി എഴുന്നേല്ക്കുകയും ,കൃത്യതയോടെ ഭക്ഷണം കഴിക്കാതിരുന്നാലും ഇത് കൂടുതല് ഭാരപ്രശ്നങ്ങള്ക്ക് കാരണമാകുന്നു.
6. സ്ട്രെസ കുറയ്കുക: സമ്മര്ദ്ദം ഇല്ലാതെ സന്തോഷത്തോടെ ഇരിക്കാന് ശ്രമിക്കുക. ആരോഗ്യകരമായി ഇരിക്കാന് വഴികള് കണ്ടെത്തുക. ധ്യാനം, വ്യായാമങ്ങള് അല്ലെങ്കില് ആസ്വാദ്യകരമായ ഹോബികളില് ഏര്പ്പെടാന് ശ്രമിക്കുക.
7. മദ്യം കഴിക്കുന്നത് കുറയ്ക്കുക: മദ്യം കുടിക്കുന്നത് കൊണ്ട് വിശപ്പ് വര്ദ്ധിപ്പിക്കുന്നതിനും , ഉപ്പിട്ടതും കൊഴുപ്പുള്ളതുമായ ഭക്ഷണങ്ങളോടുള്ള ആസക്തി ഉണര്ത്തുകയും ചെയ്യുന്നു .അതിനാല്, ശൈത്യകാലത്ത് ഇതിന്റെ ഉപയോഗം കുറയ്ക്കുന്നത് ശരീരഭാരം കുറയ്ക്കാന് സഹായിക്കുന്നു.
8. സീസണല് ഉല്പന്നങ്ങള് സ്വീകരിക്കുക: ആരോഗ്യകരമായ ഭക്ഷണത്തിനായി നിങ്ങളുടെ ഭക്ഷണത്തില് , പഴങ്ങള്, പയറുവര്ഗങ്ങള് , മധുരക്കിഴങ്ങുകള് എന്നിവ പോലുള്ള പോഷകങ്ങള് അടങ്ങിയ ശൈത്യകാല ഉല്പ്പന്നങ്ങളില് ഉള്പ്പെടുത്തുക.
