ലോസ് ഏഞ്ചലസ്:ഹോളിവുഡ് നടനും 2 പെണ്മക്കളും വിമാനാപകടത്തില് കൊല്ലപ്പെട്ടു.ജര്മ്മന് വംശജനും നടനുമായ ക്രിസ്റ്റ്യന് ഒലിവറും മക്കള് മഡിറ്റ (10), ആനിക് (12), പൈലറ്റ് റോബര്ട്ട് സാക്സ് എന്നിവരാണ്് മരിച്ചത്. വിമാനം കരീബിയന് കടലിലേക്ക് വീണാണ് അപകടം ഉണ്ടായത്.അവധിക്കാലം ആഘോഷിക്കുന്നതിനിടെയാണ് ഒലിവറിന്റെയും കുടുംബത്തിന്റെയും ദാരുണാന്ത്യം.
ഗ്രനേഡൈന്സിലെ ബെക്വിയ ദ്വീപില് നിന്ന് സെന്റ് ലൂസിയയിലേക്ക് പോകുകയായിരുന്നു വിമാനം. സെന്റ് ലൂസിയയിലേക്കുള്ള യാത്രാമധ്യേ വിമാനം ടേക്ക് ഓഫ്് ചെയ്യുന്നതിന്
തൊട്ടുപിന്നാലെ വിമാനത്തിന് തകരാറുണ്ടാവുകയായിരുന്നെന്നും അങ്ങനെ കടലിലേക്ക് തകര്ന്നു വീഴുകയായിരുന്നു എന്നുമാണ് റിപ്പോര്ട്ടുകള്. മത്സ്യത്തൊഴിലാളികളും മുങ്ങല് വിദഗ്ധരും കോസ്റ്റ് ഗാര്ഡും ഉടന് സംഭവസ്ഥലത്തെത്തിയെങ്കിലും രക്ഷിക്കാന് സാധിച്ചില്ല.കോസ്റ്റ് ഗാര്ഡ് മൃതദേഹങ്ങള് മോര്ച്ചറിയിലേക്ക് മാറ്റി.
അറുപതിലേറെ സിനിമകളിലും ടിവി ഷോകളിലും ക്രിസ്റ്റ്യന് ഒലിവര് വേഷമിട്ടിട്ടുണ്ട്. 2008-ല് പുറത്തിറങ്ങിയ ആക്ഷന് കോമഡി ചിത്രമായ ‘സ്പീഡ് റേസറി’ലൂടെയാണ് താരം ശ്രദ്ധയമായത്.
Discussion about this post