കൊച്ചി: അയോദ്ധ്യ പ്രാണപ്രതിഷ്ഠാ ചടങ്ങിന് മുന്നോടിയായി അയോദ്ധ്യയില് പൂജിച്ച അക്ഷതം സ്വീകരിച്ച് നടന് ശ്രീനിവാസന്. തൃപ്പൂണിത്തുറ തപസ്യ ഉപാദ്ധ്യക്ഷന് കെ.എസ്.കെ മോഹന്, തപസ്യ സെക്രട്ടറിയും സിനിമ സീരിയല് ആര്ട്ടിസ്റ്റുമായ ഷിബു തിലകന് എന്നിവര് ചേര്ന്നാണ് നടന് അക്ഷതം കൈമാറിയത്.നേരത്തെ നടൻ ഉണ്ണി മുകുന്ദൻ, ബാലതാരം ദേവനന്ദ, നടി ശിവദ, സംവിധായകൻ വിനയൻ തുടങ്ങി നിരവധി പേർക്കും അക്ഷതം കൈമാറിയിരുന്നു. ജനുവരി 22ന് ആണ് അയോദ്ധ്യ രാമക്ഷേത്ര പ്രതിഷ്ഠാ ചടങ്ങ്.
അയോദ്ധ്യ രാമക്ഷേത്രത്തിന്റെ പ്രതിഷ്ഠ ചടങ്ങിലേക്ക് പ്രമുഖ നടന്മാരെയും ചലച്ചിത്ര പ്രവര്ത്തകരെയും ക്ഷണിച്ചിട്ടുണ്ട്. അയോധ്യയിലെ രാമക്ഷേത്ര പ്രതിഷ്ഠ ചടങ്ങിൽ നടൻ രജനികാന്ത് പങ്കെടുക്കുമെന്നാണ് വിവരം. ബിജെപി നേതാവ് അര്ജുനമൂര്ത്തി രജനികാന്തിന്റെ വസതിയിൽ എത്തിയാണ് സൂപ്പര്താരത്തെ ചടങ്ങിലേക്ക് ക്ഷണിച്ചത്. ഇതിന്റെ ഫോട്ടോകൾ അര്ജുനമൂര്ത്തി പങ്കുവച്ചിട്ടുണ്ട്.
