വയനാട്: മാനന്തവാടിയില് ഒരാളെ കൊന്ന കാട്ടാനയെ മയക്കുവെടി വച്ച് പിടികൂടുമെന്ന് വനംമന്ത്രി എ കെ ശശീന്ദ്രന്. ഇത് സംബന്ധിച്ചുള്ള ഉത്തരവ് ഉടന് പുറത്തിറക്കും. ആനയെ മയക്കുവെടി വയ്ക്കാതെ മറ്റൊരു മാര്ഗവുമില്ലന്നും അദ്ദേഹം പറഞ്ഞു. പ്രതിഷേധം കാരണം ഉദ്യോഗസ്ഥര്ക്ക് നടപടികള് എടുക്കാന് സാധിക്കുന്നില്ല. ജനങ്ങള് രോഷാകുലമാവാതെ സമീപനം പാലിക്കണമെന്നും മന്ത്രി കൂട്ടിച്ചേര്ത്തു. സംഭവത്തില് ജനരോക്ഷം ഉയര്ന്നതോടെയായിരുന്നു അദ്ദേഹം മാദ്ധ്യമങ്ങളോട് പ്രതികരിച്ചത്.
പയ്യമ്പള്ളി സ്വദേശി അജിയാണ് കാട്ടാനയുടെ ആക്രമണത്തില് രാവിലെ് കൊല്ലപ്പെട്ടത്. റോഡിലൂടെ നടന്ന് പോകുന്നതിനിടെ അജീഷ് കാട്ടാനയുടെ മുന്പില് എത്തുകയായിരുന്നു. ആനയെ കണ്ട് ഭയന്ന് ഓടി മറ്റൊരു വീടിന് ഉള്ളിലേക്ക് കയറി. എന്നാല് ആന മതില് പൊളിച്ചെത്തി അജിഷിനെ ആക്രമിക്കുകയായിരുന്നു. ഉടനെ മാനന്തവാടി മെഡിക്കല് കോളേജ് ആശുപത്രിയില് എത്തിച്ചെങ്കിലും രക്ഷിക്കാന് കഴിഞ്ഞില്ല. കര്ണാടക റേഡിയോ കോളര് ഘടിപ്പിച്ചു കാടുകയറ്റിയ ആനയാണു ജനവാസമേഖലയിലേക്കെത്തിയത്.
സംഭത്തെ തുടര്ന്ന് മാനന്തവാടിയില് പ്രതിഷേധം ശക്തമാണ്. കൊല്ലപ്പെട്ട അജീഷിന്റെ മൃതദേഹവുമായാണ് നാട്ടുകാര് പ്രതിഷേധ പ്രകടനം നടത്തുന്നത്. ശക്തമായ പ്രതിഷേധത്തെ തുടര്ന്ന് നാല് വാര്ഡുകളില് നിരോധനാജ്ഞ ഏര്പ്പെടുത്തിയിട്ടുണ്ട്. പ്രതിഷേധ സ്ഥലത്തെത്തിയ ജില്ല കളക്ടറെയും വയനാട് എസ്പിയെ പ്രതിഷേധക്കാര് തടഞ്ഞിരുന്നു.
Discussion about this post