ഉറക്കമില്ലായ്മ പലരും ഇന്ന് അനുഭവിക്കുന്ന പ്രശ്നമാണ്. പക്ഷേ ഇത് വലിയൊരു ആരോഗ്യ പ്രശ്നമാണെന്ന് അറിയാമോ? എല്ലാ അവയവങ്ങളും കൃത്യമായി പ്രവർത്തിക്കാൻ നല്ല ഉറക്കം വേണം. രാത്രി ഉറക്കം കുറയുകയും പകൽ ഉറക്കം വരുകയും ചെയ്യുന്നുണ്ടെങ്കിൽ ശ്രദ്ധിക്കണം.
ഉറക്കക്കുറവ് ഒരാളെ സ്വാർഥരാക്കും എന്നാണ് പുതിയ പഠനം വ്യക്തമാക്കുന്നത്. രാത്രിയിലെ ഉറക്കമില്ലായ്മ ഒരാളെ സ്വാർത്ഥരാക്കുമെന്നാണ് പഠനത്തിൽ പറയുന്നത്. PLOS Biology എന്ന ജേർണലിലാണ് ഇതുസംബന്ധിച്ച പഠനം പുറത്തുവന്നിരിക്കുന്നത്. ഉറക്കം മതിയായി ലഭിക്കാത്ത ഒരാളുടെ സ്വഭാവത്തിലുണ്ടാകുന്ന മാറ്റങ്ങളിൽ പ്രധാനം സ്വാർത്ഥരാകുന്നതാണ് എന്ന് പഠനം പറയുന്നു.
ഉറക്കക്കുറവുമൂലം വിഷാദരോഗം, ഉത്കണ്ഠ മുതലായ മാനസികാരോ?ഗ്യ പ്രശ്നങ്ങളും അമിതവണ്ണം പ്രതിരോധശേഷിക്കുറവ് പോലുള്ള ശാരീരിക പ്രശ്നങ്ങളും ഉണ്ടാവുമെന്ന് നേരത്തേ പല പഠനങ്ങളും തെളിയിച്ചിട്ടുണ്ട്. ശരിയായ ഉറക്കം ലഭിക്കാത്തതു മൂലം ഓർമക്കുറവും ഏകാഗ്രതക്കുറവും അനുഭവപ്പെടുന്നതായി പറയുന്നവരുണ്ട്.
ചെവിക്ക് പിന്നിലെ പ്രഷർ പോയിന്റ്
നമ്മുടെ ചെവിക്ക് പിൻഭാഗത്തായി കുറച്ച് സമയം അമർത്തിയാൽ പെട്ടെന്ന് ഉറങ്ങാൻ കഴിയും. ചെവിയുടെ തൊട്ടുപിന്നിൽ ഇയർലോബിന്റെ ഭാഗത്താണ് അമർത്തേണ്ടത്. അൽപനേരം ഇവിടെ അമർത്തിയാൽ പെട്ടെന്ന് ഉറങ്ങാൻ സാധിക്കും.ഈ പോയിന്റിനെ അനീമിയ പോയിന്റ് എന്ന് വിളിക്കുന്നു.ഏകദേശം 10 മുതൽ 20 തവണ അമർത്തിയാൽ തന്നെ നമുക്ക് പെട്ടെന്ന് ഉറക്കം ലഭിക്കും.
രണ്ട് പുരികങ്ങൾക്കിടയിൽ അമർത്തുക
ഉറക്കമില്ലായ്മയുടെ കാരണം പലർക്കും പലതാകാം. സമ്മർദ്ദവം , ഉയർന്ന രക്തസമ്മർദ്ദമോ ഒക്കെ ഇതിന് കാരണമാകാം. അത്തരമൊരു സാഹചര്യത്തിൽ വേഗത്തിൽ ഉറങ്ങാൻ രണ്ട് പുരികങ്ങൾക്കും ഇടയിലായി കുറച്ച് നേരം സമ്മർദ്ദം ചെലുത്തിയാൽ മതിയാകും. ഇതിലൂടെ പെട്ടെന്ന് ഉറക്കം കിട്ടും.
കഴുത്തിലെ പ്രഷർ പോയിന്റ്
കഴുത്തിന്റെ ചില ഭാഗങ്ങളിൽ സമ്മർദ്ദം ചെലുത്തുമ്പോൾ നമുക്ക് നല്ല റിലാക്സേഷൻ അനുഭവപ്പെടും. ഇതോടൊപ്പം നല്ല ഉറക്കവും വരും. തലയോട്ടിക്ക് തൊട്ടു താഴെ കഴുത്തിന്റെ പിൻവശത്തായാണ് ഇത്തരത്തിൽ മസാജ് ചെയ്യേണ്ടത്. തള്ളവിരലിന്റെ സഹായത്തോടെ അൽപനേരം ഈ ഭാഗത്ത് അമർത്തിയാൽ ശരീരത്തിന് നല്ല വിശ്രമം അനുഭവപ്പെടുകയും വേഗത്തിൽ ഉറക്കം വരികയും ചെയ്യും
കൈപ്പത്തിയിലെ പ്രഷർ പോയിന്റുകൾ
അക്യുപ്രഷർ പ്രകാരം കൈപ്പത്തിയിലെ ചില ഭാഗങ്ങളിൽ സമ്മർദ്ദം നൽകിയാൽ ശരീരം വിശ്രമാവസ്ഥയിലാകും. പെട്ടന്ന് ഉറങ്ങാനായി നിങ്ങളുടെ രണ്ട് വിരലുകൾ ഉപയോഗിച്ച് കൈത്തണ്ടയിൽ നേരിയ മർദ്ദം പ്രയോഗിക്കുക.ഇവിടെ വിരലുകൾ കൊണ്ട് അമർത്തുന്നത് വേഗത്തിൽ ഉറങ്ങാൻ സഹായിക്കുന്നു.
ഉറക്കക്കുറവിനെ നേരിടാം
എല്ലാ ദിവസവും ഉറങ്ങാൻ കൃത്യ സമയം പാലിക്കുക. ലൈറ്റ് ഓഫ് ആക്കിയതിനു ശേഷം ഉറങ്ങുക. ഉറങ്ങാൻ ഉദ്ദേശിക്കുന്ന സമയത്തിന് അര മണിക്കൂർ മുമ്പ് ടിവിയോ മൊബൈൽ ഫോണോ ഉപയോഗിക്കരുത്. വിഷമമോ മാനസിക പിരിമുറക്കമോ തോന്നുന്ന കാര്യങ്ങൾ ആലോചിക്കാതിരിക്കുക. കാപ്പി, ചായ, പുകയില ഉൽപ്പനങ്ങൾ പോലുള്ള നാഡിവ്യൂഹത്തെ ഉത്തേജിപിക്കുന്ന വസ്തുക്കൾ (Nouro Stimulants) വൈകുന്നേരത്തിനു ശേഷം ഉപയോഗിക്കരുത്.മദ്യപാനവും പുകവലിയും ഉപേക്ഷിക്കുക.
