ചുവപ്പ് കണ്ട കാളയെ പോലെ എന്ന ശൈലി കേട്ടിട്ടില്ലേ.. ചുവപ്പ് കണ്ടാൽ കാളകൾ പോലും വരണ്ടോടുന്നുവെന്ന് പറയുന്നതിന്റെ കാരണം എന്തെന്ന് പലരും ചർച്ച ചെയ്യാറുണ്ട്. എന്നാൽ കാളയും ചുവപ്പും തമ്മിൽ വലിയ ബന്ധം ഇല്ലെന്നാണ് സത്യം. കാരണം ചുവപ്പു നിറത്തെ തിരിച്ചറിയാനുള്ള കഴിവ് കാളകൾക്കില്ല. അവയ്ക്ക് ഭാഗികമായ വർണാന്ധതയുണ്ട്. മറ്റൊരു നിറം സംഭവിച്ചാലും ഇതൊക്കെ തന്നെ സംഭവിക്കും. തുണിയുടെ അനക്കമാണ് അവയെ അസ്വസ്ഥമാക്കുന്നത്.
കാളകൾക്ക് നേരെ തുണി വീശുമ്പോൾ അവർ അസ്വസ്ഥരാകുന്നു എന്ന ആശയം സ്പെയിനിലെ ജനകീയമായ കാളപ്പോരിൽ നിന്നാണ് ഉത്ഭവിച്ചത്. ഈ മത്സരത്തിൽ കാളയെ പ്രകോപിപ്പിക്കാൻ മാറ്റഡോർ( കാളയോട് പോരാടുന്ന വ്യക്തി) ഒരു ചുവന്ന പതാകയോ തുണിയോ ഉപയോഗിക്കുന്നു. കാളയെ പ്രകോപിപ്പിക്കാൻ വെളുത്ത തുണി ഉപയോഗിച്ചാലും ഫലം സമാനമാണെന്ന് പരീക്ഷണാടിസ്ഥാനത്തിൽ തെളിയിക്കപ്പെട്ടിട്ടുണ്ട്.
