ഒരു സ്പൂൺ എണ്ണ ഒന്ന് ഫ്രിഡ്ജിൽ വച്ച് നോക്കൂ: എത്രത്തോളം മായമാണ് നമ്മൾ അകത്താക്കുന്നതെന്ന് അനുഭവിച്ചറിയാം

എണ്ണ ഒഴിവാക്കിയുള്ള പാചകം മലയാളിയുടെ അടുക്കളയിൽ സംഭവ്യമല്ലാത്ത കാര്യമാണ്. വെളിച്ചെണ്ണയിൽ തുടങ്ങി ഒലീവ് ഓയിൽ,മീനെണ്ണ വരെ നാം ഉപയോഗിക്കുന്നു. എന്നാൽ ഇവയിലെ മായം എങ്ങനെ തിരിച്ചറിയാം?

മെറ്റ്‌നിൽ യെല്ലോ പോലുള്ള ഏതെങ്കിലും നിറം പാചക എണ്ണയിൽ ഉപയോഗിച്ചിട്ടുണ്ടെങ്കിൽ, നിങ്ങൾക്ക് അത് എളുപ്പത്തിൽ കണ്ടെത്താനാകും. എടടഅക പറയുന്നതനുസരിച്ച്, ഒരു ടെസ്റ്റ് ട്യൂബിൽ ഏകദേശം 1 മില്ലി എണ്ണ ഒഴിച്ച് ഏകദേശം 4 മില്ലി വെള്ളം ചേർത്ത് നന്നായി ഇളക്കുക. ഇപ്പോൾ 2 മില്ലി മിശ്രിതം മറ്റൊരു ട്യൂബിൽ ഒഴിക്കുക, തുടർന്ന് 2 മില്ലി സാന്ദ്രീകൃത ഹൈഡ്രോക്ലോറിക് ആസിഡ് ചേർക്കുക ശുദ്ധമായ എണ്ണയുടെ മുകളിലെ പാളിയുടെ നിറം മാറില്ല. അതേസമയം, മായം കലർന്ന എണ്ണയുടെ മുകളിലെ പാളിയുടെ നിറം മാറും. ശുദ്ധമായതും മായം കലർന്നതുമായ എണ്ണയുടെ വ്യത്യാസം ഈ രീതിയിൽ നിങ്ങൾക്ക് എളുപ്പത്തിൽ മനസ്സിലാക്കാൻ കഴിയും.

വെളിച്ചെണ്ണയിലെ മായം കണ്ടെത്താനുള്ള ഏറ്റവും എളുപ്പ മാർഗ്ഗം നിറമില്ലാത്ത ഒരു ചില്ലു ഗ്‌ളാസിൽ കുറച്ചു വെളിച്ചെണ്ണയെടുത്ത് അര മണിക്കൂർ ഫ്രിഡ്ജിൽ (ഫ്രീസറിലല്ല) വെക്കുകയെന്നതാണ്. ശുദ്ധമായ വെളിച്ചെണ്ണ അപ്പോഴേക്കും കട്ടയായിട്ടുണ്ടാകും. ഗ്ലാസിലല്ലെങ്കിലും സ്പൂണിലെങ്കിലും വച്ചാൽ മതി. അതിന് നിറവും ഉണ്ടാകില്ല. എന്നാൽ മറ്റെന്തെങ്കിലും എണ്ണകൾ വെളിച്ചെണ്ണയിൽ കലർന്നിട്ടുണ്ടെങ്കിൽ അവ വേറിട്ടു നിൽക്കുകയും നിറവ്യത്യാസം കാണിക്കുകയും ചെയ്യും.

ഏതാനും തുള്ളി വെളിച്ചെണ്ണയിലേക്ക് അല്പം മഞ്ഞ വെണ്ണ ചേർക്കുമ്പോൾ നിറം ചുവപ്പായി മാറുന്നുണ്ടെങ്കിൽ അത് പല കെമിക്കൽ/പെട്രോളിയം മായത്തിനും തെളിവാണ്. മായം കലരാത്ത എണ്ണകൾക്ക് ചെറിയ രീതിയിലുള്ള മണമുണ്ടാകും. എന്നാൽ, രൂക്ഷമായ മണം വരുകയാണെങ്കിൽ അതിൽ കെമിക്കലുകൾ ചേർത്തിട്ടുണ്ട്

വെള്ളപ്പേപ്പറിൽ കുറച്ച് എണ്ണയൊഴിച്ച് ഉണങ്ങാൻ വയ്ക്കുക. ഒരേ രീതിയിൽ പേപ്പറിൽ പടരുകയാണെങ്കിൽ അത് ശുദ്ധമാണ്.