ആരോഗ്യപരിപാലനത്തിൽ ഭക്ഷണത്തിനുള്ള സ്ഥാനം ഏറെ വലുതാണ്. മരുന്ന് പോലെ ഭക്ഷണം കഴിച്ചില്ലെങ്കിൽ ഭക്ഷണം പോലെ മരുന്ന് കഴിക്കേണ്ടി വരുമെന്നാണ് ചൊല്ലുകൾ പോലും. ആരോഗ്യത്തിനും അനാരോഗ്യത്തിനും ഭക്ഷണം കാരണമാവാറുണ്ട്.
മുട്ടയുടെ കാര്യം തന്നെയെടുക്കാം. സമീകൃതാഹാരം എന്ന പേരിൽ അറിയപ്പെടുന്ന ഒന്നാണ് മുട്ട. കാൽസ്യം, പ്രോട്ടീനുകൾ, വൈറ്റമിൻ ഡി തുടങ്ങിയ ഒരു പിടി പോഷകങ്ങളുടെ കലവറയാണ്. പല ആരോഗ്യ പ്രശ്നങ്ങൾക്കും പരിഹാരമാകുന്ന ഒന്നുമാണിത്.മുട്ട തന്നെ പല രീതിയിലും കഴിയ്ക്കാം. പൊരിച്ചു കഴിയ്ക്കാം, ഓംലറ്റുണ്ടാക്കാം, പുഴുങ്ങാം, ബുൾസൈ, കറി വച്ചു കഴിയ്ക്കാം. അങ്ങനെ പലരീതികളുണ്ട്. ഇതിൽ ഏറ്റവും ആരോഗ്യപരം പുഴുങ്ങികഴിക്കുകയാണെന്നാണ് പൊതുവെയുള്ള വിലയിരുത്തൽ.
മുട്ട പ്രോട്ടീൻ സമ്പുഷ്ടമാണ്. ഒരു വലിയ പുഴുങ്ങിയ മുട്ടയിൽ 78 കലോറി, 6 ഗ്രാം പ്രോട്ടീൻ, 5 ഗ്രാം കൊഴുപ്പ് എന്നിവയാണ് അടങ്ങിയിരിയ്ക്കുന്നത്.പുഴുങ്ങിയ മുട്ട വെറുതെ കഴിക്കുന്നതിന് പകരം ചീരയോ പച്ചക്കറികളോ സവാളയോ കൂടി ചേർത്ത് കഴിക്കുന്നതും നല്ലതാണ്. മെറ്റബോളിസവും ദഹനവും മെച്ചപ്പെടുത്തുന്നതിന് മുട്ട സഹായിക്കുന്നു. പുഴുങ്ങിയ മുട്ട ശരീരത്തെ കലോറി എരിച്ചുകളയുന്നതിനും സഹായിക്കുന്നു. ഇത് മെറ്റബോളിസത്തിന് ഉത്തേജനം നൽകുന്നതിന് നല്ലതാണ്. വേവിച്ച മുട്ട കഴിക്കുന്നത് കണ്ണിന് അത്യധികം നല്ലതാണ്. ഇതിൽ സൾഫർ അടങ്ങിയിട്ടുണ്ട്. അതിനാൽ തന്നെ ഇത് വിറ്റാമിൻ ഡിയുടെ മികച്ച ഉറവിടവുമാണ്. മാത്രമല്ല മുടി വളർച്ചയ്ക്കും ആരോഗ്യമുള്ള നഖത്തിനും പുഴുങ്ങിയ മുട്ട കഴിയ്ക്കാം
ഇങ്ങനെയൊക്കെ ആണെങ്കിലും പുഴുങ്ങിയ മുട്ട കഴിക്കുമ്പോഴും നമ്മൾ ചിലത് സൂക്ഷിക്കേണ്ടതുണ്ട്. ആരോഗ്യം വർദ്ധിപ്പിക്കുന്ന പോഷകങ്ങൾക്കൊപ്പം മുട്ടകളിലും കൊളസ്ട്രോളും പൂരിത കൊഴുപ്പും അടങ്ങിയിട്ടുണ്ട്, ഇത് നമ്മുടെ കരളിനെയും ഹൃദയത്തിന്റെ ആരോഗ്യത്തെയും ദോഷകരമായി ബാധിക്കും.
ദിവസവും മുട്ട കഴിച്ചാൽ, അത് പകുതി മുട്ടയാണെങ്കിൽ പോലും ഹൃദ്രോഗങ്ങൾ വരാനുള്ള സാധ്യത വളരെ കൂടുതലാണെന്നാണ് JAMA ജേണലിൽ പ്രസിദ്ധീകരിച്ച ഒരു പഠനത്തിൽ പറയുന്നത്. ഒരു ദിവസം കഴിക്കാവുന്ന മുട്ടയുടെ അളവിനെക്കുറിച്ച് നമുക്ക് സംശയമുണ്ടാകും. ഇതിന്റെ എണ്ണം പലർക്കും പലർക്കും പലതാണ്. എത്ര മുട്ട കഴിക്കണമെന്ന് ആരോഗ്യവിദഗ്ധരുടെ നിർദേശമനുസരിച്ചേ തീരുമാനിക്കാവൂ.
ഫൈബർ, പ്രോട്ടീൻ എന്നീ പോഷകങ്ങൾ മുട്ടയില് കൂടുതലായി അടങ്ങിയിട്ടുണ്ട്. മുട്ട അമിതമായി കഴച്ചാൽ ശരീരത്തിൽ ദഹന സംബന്ധമായ പ്രശ്നങ്ങൾ ഉണ്ടാകും. അസിഡിറ്റി പോലുള്ള പ്രശ്നങ്ങളാണ് ഉണ്ടാവുക. ചിലർക്ക് തുടർച്ചയായ ഓക്കാനം അനുഭവപ്പെടുന്നതിനൊപ്പം അലർജിയും ഉണ്ടായേക്കാം.
പ്രായം, ആരോഗ്യസ്ഥിതി അങ്ങനെ പല കാരണങ്ങളുടെ അടിസ്ഥാനത്തിലാണ് അളവ് നിശ്ചയിക്കപ്പെടുന്നത്. ആരോഗ്യകരമായ സമീകൃതാഹാരത്തിൻറെ ഭാഗമായി, ദിവസവും ഒരു മുട്ട, ആഴ്ചയിൽ മൂന്നോ നാലോ തവണ കഴിക്കുന്നത് മുതിർന്നവർക്ക് സുരക്ഷിതമാണെന്ന് കൺസൾട്ടൻറ് ന്യൂട്രീഷ്യനിസ്റ്റ് രൂപാലി ദത്ത പറയുന്നു. കുട്ടികൾക്ക് ദിവസവും ഓരോ മുട്ട വീതം കഴിക്കാവുന്നതാണ്. ഹൃദയസംബന്ധമായ അസുഖങ്ങളോ ഉയർന്ന കൊളസ്ട്രോളോ ഉള്ളവർ ആഴ്ചയിൽ മൂന്ന് മുട്ടകളായി പരിമിതപ്പെടുത്തണം.
Discussion about this post