പറ്റ്ന: സോഷ്യൽ മീഡിയയിൽ വീണ്ടും കൗതുകമായി പ്രധാനമന്ത്രി നരേന്ദ്ര മോദിയ്ക്കൊപ്പമുള്ള ബിഹാർ മുഖ്യമന്ത്രി നിതീഷ് കുമാറിന്റെ വീഡിയോ. പ്രധാനമന്ത്രിയുടെ ചൂണ്ട് വിരൽ പരിശോധിക്കുന്ന നിതീഷ് കുമാറിന്റെ വീഡിയോ ആണ് നിമിഷങ്ങൾ കൊണ്ട് വൈറൽ ആയത്. നളന്ദ സർവ്വകലാശാലയുടെ ഉദ്ഘാടന പരിപാടിയ്ക്കിടെ ആയിരുന്നു സംഭവം.
സർവ്വകലാശാല വൈസ് ചാൻസിലർ അരവിന്ദ് പനഗാരിയ സംസാരിക്കുകയായിരുന്നു. ഇതിനിടെ ആയിരുന്നു നിതീഷ് കുമാറിന്റെ ചൂണ്ട് വിരൽ പരിശോധന. വോട്ടെടുപ്പിന് ശേഷം ചൂണ്ടു വിരലിൽ പുരട്ടിയ മഷി മാഞ്ഞുവോ എന്നായിരുന്നു നിതീഷ് കുമാർ കൈപിടിച്ച് നോക്കിയത്. വിസിയുടെ പ്രസംഗം ശ്രദ്ധയോടെ കേൾക്കുകയായിരുന്നു പ്രധാനമന്ത്രി. നിതീഷ് കുമാർ കൈ പിടിച്ചപ്പോൾ അദ്ദേഹത്തിന് പ്രധാനമന്ത്രി വിരൽ കാണിച്ച് കൊടുക്കുന്നതും വീഡിയോയിൽ കാണാം. തുടർന്ന് മഷിയുടെ കാര്യം പ്രധാനമന്ത്രി നിതീഷ് കുമാറിനോട് പറയുന്നുമുണ്ട്. വേദിയിൽ പ്രധാനമന്ത്രിയുടെ ഇടത് വശത്തായിരുന്നു നിതീഷ് കുമാറിന്റെ സ്ഥാനം.
പരിപാടിയുടെ തത്സമയ ദൃശ്യങ്ങൾ പകർത്തി കൊണ്ടിരുന്നവരും മാദ്ധ്യമങ്ങളും നിതീഷ് കുമാർ കൈ പരിശോധിക്കുന്നതിന്റെ വീഡിയോ ഭാഗം സമൂഹമാദ്ധ്യമങ്ങളിൽ പങ്കുവച്ചിരുന്നു. ഇതോടെയായിരുന്നു സംഭവം വൈറൽ ആയത്.
മൂന്നാം മോദി സർക്കാരിന്റെ സത്യപ്രതിജ്ഞാ ചടങ്ങിന് മുന്നോടിയായി നടന്ന എൻഡിഎ യോഗത്തിൽ നിതീഷ് കുമാർ പ്രധാനമന്ത്രിയുടെ കാലിൽ വീണ് അനുഗ്രഹം വാങ്ങാൻ ശ്രമിക്കുന്നതിന്റെ വീഡിയോയും വൈറൽ ആയിരുന്നു. പരിപാടിയിൽ എൻഡിഎ സർക്കാരിന് പിന്തുണ പ്രഖ്യാപിച്ച ശേഷം ഇരിപ്പിടത്തിലേക്ക് പോകുകയായിരുന്നു നിതീഷ് കുമാർ. ഇതിനിടെയാണ് വേദിയിൽ ഇരിക്കുകയായിരുന്ന പ്രധാനമന്ത്രിയുടെ കാൽക്കൽ വീഴാൻ ശ്രമിച്ചത്. എന്നാൽ പ്രധാനമന്ത്രി അദ്ദേഹത്തെ തോളിൽ പിടിച്ച് ഉയർത്തുകയായിരുന്നു.
VIDEO | #Bihar CM Nitish Kumar checks PM Modi's finger for indelible ink mark during the inauguration event of new campus of #NalandaUniversity in Rajgir.
(Full video available on PTI Videos – https://t.co/n147TvqRQz) pic.twitter.com/uBkthqzxMm
— Press Trust of India (@PTI_News) June 19, 2024
Discussion about this post