സിംഗപ്പൂർ: 33 കോടിയിലധികം രൂപ ജാക്ക് പോട്ട് അടിച്ചതിറിഞ്ഞ യുവാവ് കുഴഞ്ഞുവീണു മരിച്ചു. സിംഗപ്പൂരിലെ മറീന ബേ സാൻഡ്സ് കാസിനോയിലാണ് സംഭവം. നാല് മില്യൺ ഡോളർ (33,38,11,000) ആണ് യുവാവിന് ജാക്ക് പോട്ട് അടിച്ചത്. യുവാവ് കുഴഞ്ഞു വീഴുന്നതിന്റെ ദൃശ്യങ്ങൾ ഇതിനകം സോഷ്യൽ മീഡിയയിൽ വൈറലായിട്ടുണ്ട്.
തിനിക്ക് കൈവന്ന ഭാഗ്യം കാസിനോയിൽ ആഘോഷിക്കുകയായിരുന്നു യുവാവ്. എന്നാൽ, ഇതിനിടെ യുവാവ് കുഴഞ്ഞുവീഴുകയായിരുന്നു. കാസിനോയിലെ ജീവനക്കാരും മെഡിക്കൽ സംഘവും യുവാവിന് ഉടൻ തന്നെ പ്രഥമ ശുശ്രൂഷ നൽകിയെങ്കിലും ജീവൻ രക്ഷിക്കാനായില്ല.
ഹൃദയാഘാതമാണ് മരണകാരണം. കണക്കില്ലാത്ത പണം കൈവന്നതോടെ യുവാവ് അതിയായ സന്തോഷത്തിലായിരുന്നെന്ന് കാസിനോയിലുണ്ടായിരുന്നവർ പറയുന്നു. യുവാവിന്റെ വിവരങ്ങൾ ഇതുവരെ പുറത്ത് വന്നിട്ടില്ല.
Discussion about this post