നല്ല ആരോഗ്യമുള്ള മുടി എല്ലാവരുടെയും ആഗ്രഹമാണ്. മുടി നീട്ടിവളർത്താൻ സ്ത്രീകൾക്കാണ് കൂടുതൽ ഇഷ്ടമെങ്കിലും ഉള്ള മുടി നല്ല രീതിയിൽ സൂക്ഷിക്കാനും വെട്ടി ഒതുക്കി ഭംഗിയാക്കി കൊണ്ടുനടക്കാനും പുരുഷൻമാർക്കും ഇഷ്ടമാണ്. എന്നാൽ ഈ ഇഷ്ടത്തിന് പലപ്പോഴും വില്ലനാവുന്നത് മുടി കൊഴിച്ചിലാണ്്.
പുരുഷന്മാരിൽ പൊതുവെ ആൻഡ്രോജനിക് അലോപേഷ്യ അഥവാ മെയിൽ പാറ്റേൺ ഹെയർ ലോസ് എന്ന അവസ്ഥയാണ് കണ്ടു വരുന്നത്. ഹെയർ ഫോളിക്കിളിനു മുകളിൽ ആൻഡ്രോജൻസ് (പുരുഷ ഹോർമോൺ) കെട്ടു പിടിക്കുന്നതാണ് ഇവിടെ സംഭവിക്കുന്നത്. ഹെയർ ഫോളിക്കിളുകളിൽ റിസെപ്റ്ററുകൾ ഉണ്ടാകുമ്പോഴാണ് ഇങ്ങനെ സംഭവിക്കുന്നത്. ഒരു പ്രത്യേക ജീനുകൾ ഉണ്ടെങ്കിലേ ഇത്തരം റിസെപ്റ്ററുകൾ ഉണ്ടാവുകയുള്ളൂ. ഇവ പാരമ്പര്യമായി കൈമാറുന്നതാണ്. അതായത് മാതാപിതാക്കൾക്കോ അവരുടെ കുടുംബത്തിലെ ആർക്കെങ്കിലുമോ കഷണ്ടി ഉണ്ടെങ്കിൽ നമുക്കും വരാനുള്ള സാധ്യത ഉണ്ടാകുന്നു. കൂടാതെ ഹോർമോൺ വ്യതിയാനങ്ങൾ കാരണം മുടി കൊഴിച്ചിൽ അനുഭവപ്പെടുന്നു. സമ്മർദ്ദം, പോഷകാഹാരക്കുറവ്, ചില മരുന്നുകൾ, തലയോട്ടിയിലെ രോഗങ്ങൾ. അടിസ്ഥാനപരമായ ആരോഗ്യപ്രശ്നങ്ങൾ എന്നിവയെല്ലാം മുടിയുടെ ആരോഗ്യത്തെ ബാധിക്കും
എന്തെങ്കിലും വൈറ്റമിനുകളുടെ കുറവാണെങ്കിൽ അത് സപ്ലിമെന്റുകളിലൂടെ പരിഹരിക്കാവുന്നതാണ്. രക്തപരിശോധനയിലൂടെ കണ്ടെത്തിയ കുറവിനെ അടിസ്ഥാനമാക്കി മാത്രമേ സപ്ലിമെന്റുകൾ പരിഗണിക്കാവൂ.ചില ചികിത്സകളിലൂടെ മുടികൊഴിച്ചിൽ കുറയ്ക്കാൻ സാധിക്കും. സൾഫേറ്റ് രഹിത ഷാംപൂ ഉപയോഗിച്ച് എല്ലാ ഒന്നിടവിട്ട ദിവസവും മുടി കഴുകുന്നത് നല്ലതാണ്.ഇരുമ്പ്, വിറ്റാമിനുകൾ (പ്രത്യേകിച്ച് ബി 12), പ്രോട്ടീൻ, ഫോളിക് ആസിഡ് എന്നിവ അടങ്ങിയ സമീകൃതാഹാരം മുടിയുടെ ആരോഗ്യത്തെ പിന്തുണയ്ക്കുന്നു.
Discussion about this post