തിരുവനന്തപുരം: ജീവിതം എപ്പോൾ അവസാനിപ്പിക്കണം എന്ന കാര്യത്തിൽ സ്വയം തീരുമാനമെടുക്കാനുള്ള ആളുകളുടെ സ്വാതന്ത്ര്യത്തെ അംഗീകരിക്കുന്ന നിയമങ്ങൾ ലോകത്തിൽ കൂടിവരികയാണെന്ന് മുരളി തുമ്മാരുകുടി.
ഇക്കാര്യത്തിൽ ഏറ്റവും ആധുനികവും സൗകര്യപ്രദവുമായ നിയമം സ്വിറ്റ്സർലാന്റിലേതാണ്. അതുകൊണ്ടുതന്നെ സ്വന്തം ജീവിതം അവസാനിപ്പിക്കാൻ മറ്റു രാജ്യങ്ങളിൽ നിന്നുപോലും ആളുകൾ അവിടേക്ക് എത്തുന്നു. ഇപ്പോഴത്തെ സംവിധാനം അനുസരിച്ച് ജീവിതം അവസാനിപ്പിക്കാൻ ഒരു മരുന്നിൻറെയും ഒരു ഡോക്ടറുടേയും ആവശ്യമുണ്ടെന്ന് അദ്ദേഹം കൂട്ടിചേർത്തു
ഇവ രണ്ടും ഒഴിവാക്കുക എന്ന ലക്ഷ്യത്തോടെ ആണ് @Exit International എന്ന സ്ഥാപനം മരണ പേടകം ഡിസൈൻ ചെയ്തത്. ഇതിനകത്ത് കയറുക, കവർ ലോക്ക് ചെയ്യുക, ഒരു സ്വിച്ച് അമർത്തുക. മുപ്പത് സെക്കൻഡ് കൊണ്ട് പേടകത്തിൽ നൈട്രജൻ നിറയും, വായുവിലെ ഓക്സിൻറെ അളവ് 21% നിന്നും 1% താഴെ പോകും. ശേഷം ചിന്ത്യം!
സാങ്കേതികവിദ്യകളുടെ പുരോഗതി ഈ നൂറ്റാണ്ടിൽ തന്നെ ‘കാലനില്ലാത്ത കാലം’ കൊണ്ടുവരുമെന്ന് ചിന്തിക്കുന്നവരുണ്ട് (ഞാൻ ഉൾപ്പെടെ). അപ്പോൾ ജീവിക്കണോ മരിക്കണോ എന്ന തീരുമാനം നാം സ്വയം എടുക്കേണ്ടി വരും. അതിന് മുൻപ് തന്നെ മരിക്കണമെന്ന് ആഗ്രഹമുള്ളവർക്ക് സമാധാനവും സൗകര്യപ്രദവും വേദനാരഹിതവുമായ രീതിയിൽ മരിക്കാനുള്ള നിയമ സംവിധാനവും മരണയന്ത്രങ്ങളും വരണമെന്നാണ് എൻറെ ആഗ്രഹമെന്ന് അദ്ദേഹം ഫേസ്ബുക്ക് കുറിപ്പിൽ വ്യക്തമാക്കുന്നു.
Discussion about this post