നല്ല ഇടതൂർന്ന കറുത്ത മുടി എല്ലാവരുടെയും ഒരു സ്വപ്നം തന്നെയാണ്. എന്നാൽ, ഈ സ്വപ്നത്തെ വേരോടെ ഇല്ലാതാക്കിക്കൊണ്ടാണ് നമ്മളിൽ പലർക്കും അകാല നരയും മുടികൊഴിച്ചിലുമൊക്കെ വരുന്നത്. ഇന്നത്തെ കാലത്ത് ഏത് പ്രായക്കാരും നേരിടുന്ന ഏറ്റവും വലിയ പ്രശ്നമാണ് നരയും മുടികൊഴിച്ചിലും. സ്ത്രീകളും പുരുഷന്മാരും ഒരുപോലെ ഈ പ്രശ്നം നേരിടാറുണ്ട്. നര കറുപ്പിക്കാൻ ഡൈ ഉപയോഗിക്കുകയാണ് എല്ലാവരും ചെയ്യാറ്. മുടി കൊഴിച്ചിൽ മാറാനാണെങ്കിൽ പലതരത്തിലുള്ള ഹെയർ ഓയിലുകളും ഷാംപുവുമെല്ലാം ഉപയോഗിച്ച് മടുത്തു കാണും. എന്നാൽ, ഇനി ആരും ഈ ഒരു പ്രശ്നം കൊണ്ട് വിഷമിക്കേണ്ട. വീട്ടിൽ തന്നെയുള്ള ഒരു പച്ചക്കറി കൊണ്ട്നിങ്ങൾക്ക് എളുപ്പം ഇത് പരിഹരിക്കാം..
ഇതിനായി ഒരു കഷ്ണം ഉരുളക്കിഴങ്ങും അൽപ്പം തേയില വെള്ളവും നീലയമരി പൊടിയും മാത്രം മതി. ഈ ഹെയർ പാക്ക് തയ്യാറാക്കാനായി ആദ്യം മുടിയുടെ അളവിന് അനുസരിച്ച് ഉരുളക്കിഴങ്ങ് എടുക്കുക. ഒരു മുഴുവൻ ഉരുളക്കിഴങ്ങോ അല്ലെങ്കിൽ പകുതിയോ മതിയാകും. ഈ ഉരുളക്കിഴങ്ങ് അൽപ്പം തേയില വെള്ളവും ചേർത്ത് നന്നായി മിക്സിയുടെ ജാറിലിട്ട് അരച്ചെടുക്കുക.അരച്ചെടുത്ത കിഴങ്ങ് ഒരു പാത്രത്തിലേയ്ക്ക് മാറ്റുക. ഇതിലേയ്ക്ക് കുറച്ച് തേയില വെള്ളം കൂടി ചേർത്ത് സ്പ്രേ ചെയ്യാൻ പാകത്തിലാക്കുക. ഇതിലേയ്ക്ക് പിന്നീട് അൽപ്പം നീലയമരി പൊടി കൂടി ചേർത്ത് നന്നായി യോജിപ്പിച്ച് ഒരു സ്പ്രേ ബോട്ടിലിൽ ആക്കി ഉപയോഗിക്കാം.
തയ്യാറാക്കി വച്ച് ഒരു മണിക്കൂറിന് ശേഷം വേണം ഇത് ഉപയോഗിക്കാൻ. തലയിൽ സ്പ്രേ ചെയ്ത ശേഷം 15 മിനിറ്റ് കഴിഞ്ഞതിന് ശേഷം കഴുകി കളയാം. ഈ സ്പ്രേ ഉണ്ടാക്കി ഫ്രിഡ്ജിൽ സൂക്ഷിച്ചാൽ, ആവശ്യാനുസരണം നമുക്ക് ഉപയോഗിക്കാം.
