ഏതൊരു വീട് പണിയുമ്പോഴും നമ്മളെല്ലാം വാസ്തു നോക്കാറുണ്ട്. വാസ്തു ദോഷങ്ങൾ ഉണ്ടായാൽ കുടുംബത്തിൽ ഒരിക്കലും സ്വസ്തതയും സമാധാനവും ഉണ്ടാകില്ലെന്നാണ് വിശ്വാസം. പ്രത്യേകിച്ച് പണ്ട് കാലത്തുള്ള വീടുകളിൽ വാസ്തു നോക്കിയാണ് ഓരോ കാര്യങ്ങളും ചെയ്യുക പതിവ്.
എന്നാൽ, വാസ്തുവിലുള്ള പിഴവ് മൂലമുള്ള ദോഷങ്ങൾക്ക് ഉത്തമ പരിഹാരമാണ് വാസ്തു വിളക്ക് കൊളുത്തുന്നത്. വാസ്തു വിളക്ക് തെളിയിച്ചാൽ, കുടുംബത്തിലെ ദോഷങ്ങളെല്ലാം അകറ്റി, ഐശ്വര്യം ഉണ്ടാകുമെന്നാണ് പറയുന്നത്. കൃത്യമായ വാസ്തു നിയമങ്ങളുടെ അടിസ്ഥാനത്തിൽ പണികഴിപ്പിക്കുന്ന വാസ്തു വിളക്കിന് നമ്മുടെ ജീവിതം തന്നെ മാറ്റി മറിയ്ക്കാനുള്ള കഴിവുണ്ടെന്ന് ആചാര്യന്മാർ പറയുന്നു.
എന്നാൽ, വാസ്തുവിളക്ക് വീട്ടിൽ സ്ഥാപിക്കുമ്പോൾ ചില പ്രത്യേക കാര്യങ്ങൾ ശ്രദ്ധിക്കേണ്ടതുണ്ട്. വാസ്തു വിളക്കിന്റെ മുൻഭാഗം കിഴക്കോട്ട് ദർശനമാക്കി വേണം വക്കാൻ. പൂജാ മുറി ഉള്ളവർ അവിടെ വേണം ഈ വിളക്ക് വയ്ക്കാൻ. ഇല്ലാത്തവർ വീടിന്റെ വടക്ക് കിഴക്ക് ഭാഗത്തായി വാസ്തു വിളക്ക് സൂക്ഷിക്കാൻ. വിളക്ക് സൂക്ഷിക്കുന്ന ഭാഗം വൃത്തിയോടെ സൂക്ഷിക്കുകയും വേണം. വെള്ളിയാഴ്ച്ച ദിവസം അതിരാവിലെ വേണം വാസ്തു വിളക്ക് ആദ്യമായി വീട്ടിൽ കത്തിക്കാൻ. ഒരിക്കലും തെക്ക് ദിശയിൽ വിളക്ക് കൊളുത്തരുത്.
എപ്പോഴും വൃത്തിയാക്കി വേണം വിളക്ക് കത്തിക്കാൻ. മാത്രമല്ല, നല്ലത് പോലെ എണ്ണ ഒഴിച്ച് തെളിഞ്ഞ ജ്വാലയോടെ വേണം തെളിയിക്കാൻ. എല്ലാ പ്രപഞ്ച ശക്തികളെയും പഞ്ചഭൂതങ്ങളെയും ആരാധിക്കുന്നു എന്നാണ് വാസ്തു വിളക്ക് കത്തിക്കുന്നതിലൂടെ കരുതുന്നത്. ഈ വിളക്ക് തെളിയിക്കുന്നതോടെ, എല്ലാ ശക്തികളുടെയും അനുഗ്രഹം കുടുംബത്തിന് ലഭിക്കുന്നു.
വാസ്തു വിളക്ക് വാങ്ങുമ്പോഴും പ്രത്യേകം ശ്രദ്ധിക്കണം. ഇത് ഒറിജിനൽ ആണോ എന്ന്് ഉറപ്പ് വരുത്തിമാത്രമേ വാങ്ങാവൂ. വർഷങ്ങളായി വാസ്തു വിളക്ക് വിൽക്കുന്ന ആളുകളിൽ നിന്നും വാങ്ങുന്നതായിരിക്കും ഉത്തമം.
Discussion about this post