ഒരു സ്ത്രീയെ ബഹുമാനിക്കേണ്ടത് അവള് ധരിച്ചിരിക്കുന്ന വസ്ത്രം നോക്കിയല്ലെന്ന് ബോളിവുഡ് നടി വിദ്യ ബാലന്. വസ്ത്രം തെരഞ്ഞെടുക്കുന്നത് ഒരാളുടെ സ്വാതന്ത്ര്യമാണ്. പെണ്കുട്ടികള് അവര്ക്ക് ഇഷ്ടമുള്ളത് ധരിക്കും. അക്കാര്യത്തില് ആര്ക്കും ഇടപെടാന് അവകാശമില്ല. ഏതു പ്രൊഫഷനിലായാലും വസ്ത്രത്തിന്റെ നീളം നോക്കിയല്ല സ്ത്രീകളെ ബഹുമാനിക്കേണ്ടതെന്നും വിദ്യ പറഞ്ഞു.
ആണ്കുട്ടികളെപ്പോലെ തന്നെ ജീവിതത്തില് മുന്നോട്ടു പോകാനുള്ള അവകാശവും സ്വാതന്ത്ര്യവും പെണ്കുട്ടികള്ക്കുമുണ്ട്. ഇതിനിടയില് വ്യത്യാസം കാണുന്നതു ശരിയല്ല. ആളുകളുടെ മനോഭാവം മാറിയാല് മാത്രമേ ആണ്- പെണ് വ്യത്യാസം ഇല്ലാതാകൂ. അടുത്തിടെ ഇക്കാര്യത്തില് വലിയ മാറ്റങ്ങള് സംഭവിക്കുന്നുണ്ട്. പൊതുപരിപാടികളിലും ജോലിസ്ഥലങ്ങളിലും മറ്റും നിരവധി പെണ്കുട്ടികള്ക്കും പ്രാധാന്യം നല്കുന്നു.
.ധരിച്ചിരിക്കുന്ന വസ്ത്രത്തെ ചൂണ്ടിക്കാട്ടി പല സ്ത്രീകളെയും ആളുകള് അപമാനിക്കാറുണ്ട്. അങ്ങനെ വരുന്ന പൂവാലന്മാരെ നേരിടുക തന്നെ വേണമെന്നും വിദ്യ പറഞ്ഞു. മുംബൈയില് യൂത്ത് ഫോര് യൂണിറ്റി എന്ന പരിപാടിയില് മാധ്യമപ്രവര്ത്തകരോട് സംസാരിക്കുകയായിരുന്നു അവര്.
Discussion about this post