പത്തനംതിട്ട: ശബരിമല തീര്ഥാടകര്ക്ക് ആവശ്യമായ വിവരങ്ങള് ലഭ്യമാക്കുന്നതിനായി പത്തനംതിട്ട ജില്ലാ ഭരണകൂടം സജ്ജമാക്കിയ എഐ ചാറ്റ് ബോട്ട് വന് ഹിറ്റ്. ഇതുവരെ 1,25,0551 പേരാണ് എഐ ചാറ്റ് ബോട്ട് ഉപയോഗിച്ചതെന്നാണ് അധികൃതർ വ്യക്തമാക്കുന്നത്. മൂവായിരത്തോളം അത്യാഹിത കേസുകളിലും ഇതുവരെ എഐ ചാറ്റ് ബോട്ടിലൂടെ ഇടപെടല് നടത്തി.
ഓരോ ദിവസവും പതിനായിരത്തോളം പേര് വാട്ട്സാആപ് അധിഷ്ഠിതമായ സ്വാമി ചാറ്റ് ബോട്ട് ഉപയോഗിക്കുന്നുണ്ടെന്ന് അധികൃതര് അറിയിച്ചു. ചാറ്റ്ബോട്ടില് ആറ് വ്യത്യസ്ത ഭാഷകളില് ശബരിമലയിലെ തത്സമയ വിവരങ്ങള് ലഭ്യമാണ്.
തീര്ത്ഥാടകര്ക്ക് 6238008000 എന്ന വാട്ട്സ്ആപ്പ് നമ്പറിലേക്ക് ‘ഹായ്’ എന്ന് ടൈപ്പ് ചെയ്ത് അയച്ചും ക്യുആര് കോഡ് സ്കാന് ചെയ്തും സ്വാമി ചാറ്റ് ബോട്ട് ഉപയോഗിക്കാം. ഇഷ്ടമുള്ള ഭാഷ ഇതിലൂടെ തിരഞ്ഞെടുക്കാന് സാധിക്കും.
ഭക്ഷണ ചാര്ട്ടുകള്, കെഎസ്ആര്ടിസി ബസ് സമയങ്ങള്, കാലാവസ്ഥാ അപ്ഡേറ്റുകള്, ക്ഷേത്ര സേവനങ്ങള്, താമസ ബുക്കിംഗ് തുടങ്ങിയ വിവരങ്ങള് സ്വാമി എ.ഐ ചാറ്റ് ബോട്ടില് ലഭിക്കും. നടതുറക്കൽ, പൂജാസമയം തുടങ്ങിയ ക്ഷേത്ര കാര്യങ്ങളും വിമാനത്താവളങ്ങൾ, റെയിൽവേ സ്റ്റേഷനുകൾ എന്നിവയെക്കുറിച്ചുള്ള വിവരങ്ങളും ഭക്തർക്ക് ഇതിലൂടെ ലഭിക്കും. ‘പോലീസ്, വനം വകുപ്പ് തുടങ്ങിയ പ്രധാന വിഭാഗങ്ങളുടെ സേവനങ്ങളും സ്വാമി ചാറ്റ് ബോട്ടിലൂടെ കാര്യക്ഷമമായി നടപ്പാക്കുന്നു.
Discussion about this post