മോഹൻലാലിന്റെ ആദ്യ സംവിധാന സംരഭമായ ബറോസിനായുള്ള കാത്തിരിപ്പിലാണ് മലയാള സിനിമാ പ്രേക്ഷകർ. നാളെയാണ് ചിത്രം തീയറ്ററുകളിലെത്തുക. 3ഡിയിലാണ് ചിത്രം എത്തുന്നത്. ചിത്രത്തിന്റെ റിലീസിന് മുന്നോടിയായി ചെന്നെയിൽ പ്രിവ്യൂ നടന്നിരുന്നു. മോഹൻ ലാലിന്റെ മക്കളായ പ്രണവും മായയും പ്രിവ്യൂ കാണാനെത്തിയിരുന്നു. നടി രോഹിണി, വിജയ് സേതുപതി, മണിരത്‌നം തുടങ്ങിയവരും പ്രിവ്യൂ ഷോ കാണാനെത്തിയിരുന്നു.
ഇപ്പോഴിതാ സിനിമ കണ്ടതിന് ശേഷം, നടൻ വിജയ് സേതുപതി പറഞ്ഞ വാക്കുകളാണ് ചർച്ചയാകുന്നത്. താൻ ബറോസ് കണ്ടു. സിനിമയുടെ ത്രിഡി ഇഫക്റ്റ്‌സും കഥാപാത്രവും കുട്ടികൾക്ക് ശരിക്കും ഇഷ്ടപ്പെടും. കുടുംബത്തോടൊപ്പം സിനിമ കാണാനെത്തി വിജയിപ്പിക്കണമെന്നും വിജയ് സേതുപതി പറഞ്ഞു.
ചിത്രത്തിന്റെ അഡ്വാൻസ് ബുക്കിംഗ് മികച്ച പ്രതീക്ഷയാണ് നൽകുന്നത്. 47 വർഷം തികയുന്ന തന്റെ സിനിമാ ജീവിതത്തിയെ ആദ്യ സംവിധാനസംരഭം കുട്ടികൾക്കും കുടുംബങ്ങൾക്കും വേണ്ടിയുള്ളതാവണമെന്ന് നിർബന്ധമുണ്ടെന്നാണ് ബറോസിനെ കുറിച്ച് മോഹൻലാൽ പറഞ്ഞത്.
ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് ബർോസ് നിർമിക്കുന്നത്. ഇന്ത്യയിലെ ആദ്യ ത്രിഡി ചിത്രമായ മൈ ഡിയർ കുട്ടിച്ചാത്തൻ സംവിധാനം ചെയ്ത ജിജോയുടെ കഥയ അടിസ്ഥാനമാക്കിയാണ് ബറോസ് ഒരുക്കുന്നത്. ലിഡിയൻ നാദസ്വരമാണ് സിനിമയുടെ സംഗീത സംവിധാനം നിർവഹിക്കുന്നത്. സന്തോഷ് ശിവനാണ് ഛായാഗ്രഹണം നിർവഹിച്ചിരിക്കുന്നത്. മോഹൻലാലിന്റെ ബറോസ് എന്ന കഥാപാത്രത്തിന് 300 വയസാണെന്നും റിപ്പോർട്ടുകളുണ്ട്.
