തിരുവനന്തപുരം: സംസ്ഥാനത്ത് റെക്കോർഡുകൾ ഭേദിച്ച് സ്വർണവിലയുടെ മുന്നേറ്റം. ഇന്ന് പവന് ഒറ്റയടിക്ക് 680 രൂപയാണ് ഉയർന്നത്. ഇതോടെ സ്വർണവില വീണ്ടും റെക്കോർഡിൽ എത്തി. ചരിത്രത്തിലെ തന്നെ ഉയർന്ന വിലയായ 60,760 രൂപയിലാണ് ഇന്ന് സ്വർണ വ്യാപാരം നടക്കുന്നത്.
കഴിഞ്ഞ രണ്ട് ദിവസമായി സ്വർണ വില കുറഞ്ഞിരുന്നു. ഇതിൽ ആശ്വസിച്ചിരിക്കെയാണ് വീണ്ടും സ്വർണ വില കുതിച്ച് ഉയർന്നത്. നിലവിൽ സ്വർണം വാങ്ങണമെങ്കിൽ ഗ്രാമിന് 7,595 രൂപ നൽകണം. 18 കാരറ്റ് സ്വർണത്തിന്റെ വിലയിലും വർദ്ധനവ് ഉണ്ടായിട്ടുണ്ട്.
പവന് 240 രൂപ വർദ്ധിച്ച് ഇക്കഴിഞ്ഞ 24 ന് സ്വർണ വില 60440 രൂപ ആയിരുന്നു. ഇതിന് ശേഷം രണ്ട് ദിവസം സ്വർണ വില മാറ്റമില്ലാതെ തുടർന്നു. എന്നാൽ തുടർന്നുള്ള ദിവസങ്ങളിൽ സ്വർണ വിലയിൽ കുറവ് രേഖപ്പെടുത്തുകയായിരുന്നു. ഇതിന് പിന്നാലെയാണ് വൻ തോതിൽ വില വർദ്ധിച്ചത്. വരും ദിവസങ്ങളിലും വില വർദ്ധിക്കാനാണ് സാദ്ധ്യത.
