പാകിസ്ഥാൻ മുൻ ക്യാപ്റ്റൻ റാഷിദ് ലത്തീഫ്, ഏകദിന ഫോർമാറ്റിൽ വിരാട് കോഹ്ലിയുടെയും രോഹിത് ശർമ്മയുടെയും ഭാവിയെക്കുറിച്ച് അഭിപ്രായപ്പെട്ടുകൊണ്ട് രംഗത്ത്. 2027 ലെ ലോകകപ്പ് ടീമിൽ ഇരുവരുടെയും സ്ഥാനം ഇന്ത്യൻ മാനേജ്മെന്റ് സ്ഥിരീകരിക്കുമെന്നും എന്നാൽ ഇവരിൽ ഒരാൾ ടൂർണമെന്റിൽ മത്സരിക്കണമെന്ന് ആഗ്രഹിക്കുന്നുവെന്നുംപറഞ്ഞു. ഒരു ടീമിനെ തിരഞ്ഞെടുക്കുമ്പോൾ നിരവധി ഘടകങ്ങൾ പരിഗണിക്കേണ്ടതിന്റെ ആവശ്യകത ലത്തീഫ് പരാമർശിച്ചു.
“2027 ലെ ഏകദിന ലോകകപ്പിൽ ഇനിയും സമയം ബാക്കിയുണ്ട്. എത്ര ഏകദിനങ്ങൾ ഇന്ത്യ ആ കാലയളവിൽ കളിക്കുമെന്ന് നമ്മൾ കാണേണ്ടിവരും,.പക്ഷേ മുതിർന്ന കളിക്കാർ ടീമിന്റെ ഭാഗമാകാൻ അർഹരാണ്. ചില കളിക്കാരെ ഉൾപ്പെടുത്താൻ കഴിയാത്ത സമയങ്ങളുണ്ട്. യശസ്വി ജയ്സ്വാളാണ് ഏറ്റവും മികച്ച ഉദാഹരണം, കാരണം നല്ല കഴിവ് ഉണ്ടായിരുന്നിട്ടും അദ്ദേഹത്തിന് അവസരങ്ങൾ ലഭിക്കുന്നില്ല. വിരാടിനെയും രോഹിത്തിനെയും പ്ലെയിംഗ് ഇലവനിൽ നിലനിർത്താൻ കഴിയുന്നില്ലെങ്കിൽ, കുറഞ്ഞത് ഒരു കളിക്കാരന് അവസരം നൽകുക,” ലത്തീഫ് പറഞ്ഞു.
ഓസ്ട്രേലിയക്കെതിരായ മൂന്നാം ഏകദിനത്തിൽ രോഹിതും വിരാടും ചേർന്ന് കളിച്ച മാച്ച് വിന്നിങ് ഇന്നിംഗ്സിനെ ലത്തീഫ് അനുസ്മരിച്ചു. രോഹിത് 121 റൺസ് നേടി പുറത്താകാതെ നിന്നപ്പോൾ, വിരാട് 74 റൺസ് നേടി പുറത്താകാതെ നിന്നു.
“ഇരുവരും മികച്ച കളിക്കാരാണ്, മത്സരങ്ങൾ ജയിപ്പിക്കാൻ അവർക്ക് കഴിയും. നീണ്ട ഇടവേളയ്ക്ക് ശേഷം അവർ തിരിച്ചെത്തി ഇന്ത്യയ്ക്കായി മൂന്നാം ഏകദിനം ജയിപ്പിച്ചു. ലയണൽ മെസ്സിയും ക്രിസ്റ്റ്യാനോ റൊണാൾഡോയും ഇപ്പോഴും കളിക്കുന്നുണ്ട്, വിരാടും രോഹിതും ഇന്ത്യയുടെ റൊണാൾഡോയും മെസിയുമാണ്” അദ്ദേഹം കൂട്ടിച്ചേർത്തു.
Discussion about this post