ചലച്ചിത്ര നിർമ്മാതാവും ഗായകനുമായ പലാഷ് മുച്ചലും ക്രിക്കറ്റ് താരം സ്മൃതി മന്ദാനയും ഒപ്പമുള്ള വിവാഹം മാറ്റിവെച്ച വാർത്ത ഏവരും ശ്രദ്ധിച്ച ഒന്നായിരുന്നു. എന്നിരുന്നാലും സ്മൃതിയുടെ പിതാവിനെ ആശുപത്രിയിൽ പ്രവേശിപ്പിച്ചുവെന്ന റിപ്പോർട്ടുകളെത്തുടർന്ന് പലാഷിന്റെ സഹോദരിയും ഗായികയുമായ പലാക് മുച്ചൽ നവംബർ 24 ന് ഇൻസ്റ്റാഗ്രാമിലൂടെ വിവാഹ നിശ്ചയം മാറ്റിവച്ചതായി അറിയിക്കുക ആയിരുന്നു. പിന്നീട് പലാഷിനെയും ആശുപത്രിയിൽ പ്രവേശിപ്പിച്ചതായി റിപ്പോർട്ടുകൾ പുറത്തുവന്നു.
വിവാഹദിവസം രാവിലെ, സ്മൃതിയുടെ അച്ഛൻ ശ്രീനിവാസ് മന്ദാനക്ക് പ്രഭാതഭക്ഷണത്തിനിടെ ഹൃദയവേദന ഉണ്ടാകുകയും അദ്ദേഹത്തിന്റെ നില വഷളായതിനാൽ ഉടൻ ആശുപത്രിയിൽ പ്രവേശിപ്പിക്കേണ്ടി വരിക ആയിരുന്നു. അച്ഛൻ സുഖം പ്രാപിക്കുന്നതുവരെ വിവാഹം മാറ്റിവയ്ക്കാൻ സ്മൃതി തീരുമാനിച്ചതായി അവരുടെ മാനേജർ സ്ഥിരീകരിച്ചു. അതേസമയം, പലാഷിനും ആരോഗ്യപ്രശ്നങ്ങൾ അനുഭവപ്പെട്ടു, അതിന്റെ ഫലമായി അദ്ദേഹം ആശുപത്രിയിൽ പ്രവേശിപ്പിച്ചു. എന്നിരുന്നാലും അദ്ദേഹത്തെ പെട്ടെന്നുതന്നെ ഡിസ്ചാർജ് ചെയ്തു.
ആരോഗ്യ പ്രതിസന്ധികൾക്കിടയിൽ, സ്മൃതി തന്റെ സോഷ്യൽ മീഡിയ അക്കൗണ്ടുകളിൽ നിന്ന് വിവാഹാഭ്യർത്ഥന വീഡിയോയും വിവാഹവുമായി ബന്ധപ്പെട്ട മറ്റ് പോസ്റ്റുകളും നീക്കം ചെയ്തു. വിവാഹം മാറ്റിവയ്ക്കുന്നതായി പലക് പ്രഖ്യാപിച്ചതിന് തൊട്ടുപിന്നാലെ, പലാഷും മേരി ഡി’കോസ്റ്റ എന്ന സ്ത്രീയും തമ്മിലുള്ള സംഭാഷണത്തിന്റെ സ്ക്രീൻഷോട്ടുകൾ റെഡ്ഡിറ്റിൽ വൈറലായി. മേരി തന്റെ ഇൻസ്റ്റാഗ്രാം സ്റ്റോറിയിൽ ഈ സ്ക്രീൻഷോട്ടുകൾ പങ്കിട്ടു. സംഭാഷണത്തിൽ, പലാഷ് സ്മൃതിയുമായുള്ള തന്റെ ബന്ധത്തെക്കുറിച്ച് ചർച്ച ചെയ്യുകയും ‘ടൂറുകളിൽ’ അവളോടൊപ്പം പോകുന്നതിനെക്കുറിച്ച് പരാമർശിക്കുകയും ചെയ്തു.
നീന്തൽ, സ്പാ സന്ദർശനം, മുംബൈയിലെ വെർസോവ ബീച്ചിൽ രാവിലെ 5 മണിക്ക് നടക്കുന്ന മീറ്റിംഗ് എന്നിവയുൾപ്പെടെ വിവിധ പ്രവർത്തനങ്ങൾക്കായി തന്നോടൊപ്പം ചേരാൻ പലാഷ് മേരിയെ ക്ഷണിച്ചു. സ്മൃതിയോടുള്ള തന്റെ പ്രണയത്തെക്കുറിച്ച് ചോദിച്ചപ്പോൾ, പലാഷ് നേരിട്ടുള്ള ഉത്തരം നൽകുന്നത് ഒഴിവാക്കി. ഈ സന്ദേശങ്ങൾ പലാഷിനെതിരെ വ്യാപകമായ ഓൺലൈൻ വിമർശനത്തിന് കാരണമായി.
സ്മൃതി വിവാഹവുമായി ബന്ധപ്പെട്ട പോസ്റ്റുകൾ ഡിലീറ്റ് ചെയ്തതും ഇപ്പോൾ പുറത്ത് വന്ന ചാറ്റുകളും പരിഗണിക്കുമ്പോൾ പലരും വിവാഹം മാറ്റിവെക്കലിന് ഇതുമൊരു കാരണമായി പറയുന്നു.
Discussion about this post