സിനിമയിലെ വില്ലൻ വേഷങ്ങളിലൂടെ പ്രശസ്തനായ മോളിവുഡ് നടൻ ദേവൻ, ഏതാനും വർഷങ്ങൾക്ക് മുമ്പ് താൻ അനുഭവിച്ച വലിയ ഒരു സങ്കടത്തെക്കുറിച്ച് തുറന്നുപറഞ്ഞ് രംഗത്തെത്തി. ദ ന്യൂ ഇന്ത്യൻ എക്‌സ്പ്രസിന് നൽകിയ അഭിമുഖത്തിലാണ് തന്റെ വിവാഹത്തെക്കുറിച്ചും ശേഷം ഭാര്യ സുമയുടെ മരണത്തെക്കുറിച്ചും സംസാരിച്ചത്.
പ്രശസ്ത സംവിധായകനും തന്റെ അമ്മാവനുമായ രാമു കാര്യാട്ടിന്റെ മകളായിരുന്നു സുമ. അമ്മാവന്റെ മകളോട് തനിക്ക് ഒരു പ്രണയവും ഇല്ലായിരുന്നു എന്നും അമ്മാവന്റെ നിർബന്ധ പ്രകാരം നടന്ന ഒരു വിവാഹമായിരുന്നു തന്റെ എന്നും ദേവൻ പറഞ്ഞു. ” അടിച്ചുപൊളിച്ചു ജീവിക്കാൻ ഇഷ്ടപ്പെടുന്ന, ചട്ടമ്പിത്തരമൊക്കെ ഉള്ള എനിക്ക് സുമയെ കെട്ടിച്ചുതരാൻ സുമയുടെ അമ്മാവന്മാർക്ക് താത്പര്യം ഉണ്ടായിരുന്നില്ല. അതിനിടയിൽ ഉണ്ടായ ചില പ്രശ്നങ്ങൾക്കിടെ ഞങ്ങൾ ഇങ്ങനെ നിൽകുമ്പോൾ ആയിരുന്നു അമ്മാവൻ ആശുപത്രിയായത്. അവിടെ വെച്ച് എന്റെ എന്റെ സത്യസന്ധത കണ്ടിട്ടാണ് എന്നെ മകൾക്ക് വേണ്ടി ആലോചിച്ചത് എന്ന് അമ്മാവൻ പറഞ്ഞു. അമ്മാവന്റെ അവസ്ഥ കണ്ടിട്ട് സങ്കടം തോന്നിയ ഞാൻ ഒടുവിൽ വിവാഹത്തിന് സമ്മതിക്കുക ആയിരുന്നു.”
വിവാഹമൊക്കെ കഴിഞ്ഞ് തങ്ങൾ ചെന്നൈയിൽ ആയിരുന്ന സമയത്ത് ആണ് ഭാര്യക്ക് ഐസ്ക്രീം അലർജി ആദ്യമായി കണ്ടത് എന്ന് ദേവൻ പറഞ്ഞു. “അവൾക്ക് പെട്ടെന്ന് ഐസ്ക്രീമിന്റെ അലർജി വന്നു. വിട്ട് പോയിട്ട് നാല് വർഷം ആകാൻ പോകുന്നതെ ഉള്ളൂ. ചെന്നൈയിൽ വച്ച് ഐസ്ക്രീം കഴിച്ചിട്ട് ശ്വാസം മുട്ടൽ വന്നിരുന്നു. അവിടെ തന്നെ ആശുപത്രിയിൽ കാണിക്കുകയും ശരിയാക്കി എടുക്കുകയും ചെയ്തു. ഒരു കാരണവശാലും ഐസ്ക്രീമിന്റെഒരു ബ്രാൻഡും കഴിക്കരുതെന്ന് അന്ന് ഡോക്ടർ മുന്നറിയിപ്പും നൽകി. ”
“എന്തായാലും പിന്നെ പ്രശ്നങ്ങൾ ഒന്നും ഇല്ലാതെ പോകുക ആയിരുന്നു. പിന്നീട് നാട്ടിൽ, ഒരു ദിവസം മകളും കുഞ്ഞുമൊക്കെ ആയിട്ട് വീട്ടിൽ വന്നിരുന്നു. ചേർത്തലയിൽ ഒരു ഷൂട്ടിന്റെ തിരക്കലിയാരുന്നു ഞാൻ. കുട്ടികൾക്ക് വേണ്ടി ഐസ്ക്രീമും വാങ്ങി വച്ചിരുന്നു. അവർ ഭക്ഷണമൊക്കെ കഴിച്ചിട്ട് തിരികെ പോകുകയും ചെയ്തു. ആ സമയത്ത് സുമ പണ്ട് ഡോക്ടർ പറഞ്ഞ കാര്യങ്ങൾ ഒന്നും ആലോചിക്കാതെ ഐസ്ക്രീം കഴിച്ചു. . ഒരു മണിക്കൂറായപ്പോഴേക്കും ശ്വാസം കിട്ടുന്നില്ല. ചേച്ചി ശ്വാസം കിട്ടാതെ നിലത്ത് കിടന്ന് ഉരുളുകയാണെന്ന് ജോലിക്കാരിയാണ് എന്നെ വിളിച്ച് പറയുന്നത്. ഞാൻ ആശുപത്രിയിൽ എത്തിയ, സമയത്ത് സീരിയസ് ആയിരുന്നു. ശ്വാസകോശത്തിൽ ഹോൾസ് വന്നു. ഭയങ്കരമായ അവസ്ഥ ആയിരുന്നു അത്. ശേഷം അവൾ എന്നെ പോയി.”
2019 ജൂലൈയിൽ ആയിരുന്നു സുമ ദേവന്റെ വിയോഗം.
Discussion about this post