ബാറ്റിംഗിൽ വെടിക്കെട്ട്, കളിയിൽ തന്ത്രം, റിങ്കു സിംഗ് എന്ന ‘ക്യാപ്റ്റൻ കൂൾ’

വിജയ് ഹസാരെ ട്രോഫിയിൽ ഉത്തർപ്രദേശ് ടീമിന്റെ നായകനായി ചുമതലയേറ്റ റിങ്കു സിംഗിന് കീഴിൽ ടീം അപരാജിതരായി മുന്നേറുന്നു. നയിച്ച ആറ് മത്സരങ്ങളിൽ ആറിലും ടീമിനെ വിജയത്തിലെത്തിച്ച റിങ്കു, ബാറ്റിംഗിലും തന്റെ വെടിക്കെട്ട് ഫോം തുടരുകയാണ്.

റിങ്കുവിന്റെ പ്രകടനങ്ങൾ

67 (48 പന്തിൽ) – ഹൈദരാബാദിനെതിരെ

106* (60 പന്തിൽ) – ചണ്ഡീഗഢിനെതിരെ

63 (67 പന്തിൽ) – ബറോഡയ്ക്കെതിരെ

37* (15 പന്തിൽ) – അസമിലെതിരെ

41 (35 പന്തിൽ) – ജമ്മു കാശ്മീരിനിതിരെ

57 (30 പന്തിൽ) – വിദർഭയ്ക്കെതിരെ

റിങ്കുവിന്റെ നേതൃത്വത്തിൽ ഉത്തർപ്രദേശ് ഇതുവരെ തോൽവി അറിഞ്ഞിട്ടില്ല. വിദർഭയ്ക്കെതിരായ അവസാന മത്സരത്തിലും 54 റൺസിന്റെ ഉജ്ജ്വല വിജയം അവർ സ്വന്തമാക്കി . 2026 ടി20 ലോകകപ്പിനുള്ള ഇന്ത്യൻ ടീമിലേക്ക് തിരഞ്ഞെടുക്കപ്പെട്ടതിന് പിന്നാലെയാണ് റിങ്കുവിന്റെ ഈ തകർപ്പൻ പ്രകടനം. തന്റെ ഫിനിഷിംഗ് പാടവം അദ്ദേഹം ഓരോ മത്സരത്തിലും തെളിയിച്ചുകൊണ്ടിരിക്കുന്നു.

ലോകകപ്പ് ഫൈനൽ ഇലവൻ തിരഞ്ഞെടുപ്പിൽ നല്ല മത്സരമാണ് റിങ്കു ഇപ്പോൾ മറ്റുള്ള താരങ്ങൾക്ക് നൽകുന്നത്.