ബാറ്റേന്തുന്ന കൈകൾ ഇനി സുരക്ഷിത യാത്രയ്ക്ക് കൂട്ട്; ഡ്രൈവർമാരുടെയും യാത്രക്കാരുടെയും നീതിക്കായി സഞ്ജു

കേരള സർക്കാരിന്റെ ഓൺലൈൻ ടാക്സി സേവനമായ ‘കേരള സവാരി’യുടെ ഗുഡ്‌വിൽ അംബാസഡറായി മലയാളി ക്രിക്കറ്റ് താരം സഞ്ജു സാംസണെ നിയമിച്ചു. യാത്രക്കാർക്കും ഡ്രൈവർമാർക്കും സുരക്ഷിതവും സുതാര്യവുമായ സേവനം ഉറപ്പാക്കുന്ന പദ്ധതിയുടെ പ്രചാരണം ഇനി സഞ്ജുവിന്റെ നേതൃത്വത്തിലാകും.

പൊതുഗതാഗത മേഖലയിൽ കേരള സർക്കാർ തൊഴിൽ വകുപ്പിന്റെ കീഴിൽ നടപ്പിലാക്കിയ ഈ മാതൃകാ സംരംഭത്തിന്റെ സന്ദേശം സംസ്ഥാനമൊട്ടാകെ എത്തിക്കുന്നതിൽ സഞ്ജു സാംസൺ നിർണ്ണായക പങ്കുവഹിക്കും. പ്രത്യേകിച്ച് യുവതലമുറയ്ക്കിടയിൽ ഈ സേവനത്തെ കൂടുതൽ ജനകീയമാക്കാൻ സഞ്ജുവിന്റെ സാന്നിധ്യം സഹായിക്കുമെന്ന് സർക്കാർ പ്രതീക്ഷിക്കുന്നു.

എന്താണ് ഈ പദ്ധതി കൊണ്ട് ഉദ്ദേശിക്കുന്നത്?

സ്വകാര്യ ടാക്സി ആപ്പുകളിൽ നിന്ന് വ്യത്യസ്തമായി ലാഭത്തേക്കാൾ ഉപരി പൊതുനന്മ ലക്ഷ്യമിട്ടാണ് കേരള സവാരി പ്രവർത്തിക്കുന്നത്. സർക്കാർ അംഗീകരിച്ച നിരക്കുകളിൽ മാത്രമാണ് സർവീസ്. അധിക ചാർജുകളോ സർജ് പ്രൈസിംഗോ ഇതിലില്ല. കമ്മീഷൻ രഹിത മാതൃകയായതിനാൽ യാത്രയുടെ തുക പൂർണ്ണമായും ഡ്രൈവർക്ക് തന്നെ ലഭിക്കുന്നു.

നിലവിലുള്ള മൂന്ന് ജില്ലകൾക്ക് പുറമെ സംസ്ഥാനത്തെ മറ്റ് പ്രധാന നഗരങ്ങളിലേക്കും ഉടൻ തന്നെ സേവനം വ്യാപിപ്പിക്കാൻ സർക്കാർ പദ്ധതിയിടുന്നുണ്ട്. സുരക്ഷയ്ക്കും സാമൂഹിക ഉത്തരവാദിത്തത്തിനും മുൻഗണന നൽകുന്ന ഈ പദ്ധതി സഞ്ജുവിന്റെ വരവോടെ കൂടുതൽ കരുത്താർജ്ജിക്കും.

തിരുവനന്തപുരം, എറണാകുളം, തൃശ്ശൂർ ജില്ലകളിൽ വിജയകരമായി പ്രവർത്തിക്കുന്ന കേരള സവാരി വൻ മുന്നേറ്റമാണ് ഇതിനോടകം നടത്തിയത്. നിലവിലുള്ള മൂന്ന് ജില്ലകൾക്ക് പുറമെ സംസ്ഥാനത്തെ മറ്റ് പ്രധാന നഗരങ്ങളിലേക്കും ഉടൻ തന്നെ സേവനം വ്യാപിപ്പിക്കാൻ സർക്കാർ പദ്ധതിയിടുന്നുണ്ട്. സുരക്ഷയ്ക്കും സാമൂഹിക ഉത്തരവാദിത്തത്തിനും മുൻഗണന നൽകുന്ന ഈ പദ്ധതി സഞ്ജുവിന്റെ വരവോടെ കൂടുതൽ കരുത്താർജ്ജിക്കും.