ട്രംപിന്റെ ‘പ്രിയപ്പെട്ടവൻ’, പക്ഷേ പിന്നിൽ കളി വേറെ; പാക് കരസേനാ മേധാവി അസിം മുനീർ അമേരിക്കയെ ചതിക്കുമോ?

പാകിസ്ഥാൻ കരസേനാ മേധാവി ജനറൽ അസിം മുനീറും അമേരിക്കൻ പ്രസിഡന്റ് ഡൊണാൾഡ്ട്രംപും തമ്മിലുള്ള ആത്മബന്ധം അന്താരാഷ്ട്ര തലത്തിൽ വലിയ ചർച്ചകൾക്ക്വഴിവെച്ചിരിക്കുകയാണ്. ട്രംപ് ‘എന്റെ പ്രിയപ്പെട്ട ഫീൽഡ് മാർഷൽ’ എന്ന് വിശേഷിപ്പിക്കുമ്പോഴും, അസിം മുനീറിന് പിന്നിൽ ഇറാനുമായുള്ള അവിശുദ്ധ ബന്ധം അമേരിക്കൻ സുരക്ഷാഏജൻസികളെ കടുത്ത ആശങ്കയിലാക്കുന്നു.

രഹസ്യ മധ്യസ്ഥനായി മുനീർ നിലകൊള്ളുമ്പോൾ തന്നെ, ഇറാന്റെ സൈനിക വിഭാഗമായ ഇസ്ലാമിക്റെവല്യൂഷണറി ഗാർഡ് കോർപ്സിലെ (IRGC) ഉന്നതരുമായി മുനീറിനുള്ള ദീർഘകാല ബന്ധമാണ്ഇപ്പോൾ ചർച്ചയാകുന്നത്.

ഫോക്സ് ന്യൂസ് പുറത്തുവിട്ട റിപ്പോർട്ടുകൾ പ്രകാരം, ഇറാന്റെ സൈനിക നേതൃത്വവുമായിമുനീറിനുള്ള വ്യക്തിപരമായ അടുപ്പം അമേരിക്കയ്ക്ക് വലിയൊരു ‘റെഡ് ഫ്ലാഗ്’ അഥവാഅപായസൂചനയാണ്. കൊല്ലപ്പെട്ട ഖുദ്‌സ് ഫോഴ്‌സ് തലവൻ ഖാസിം സുലൈമാനിയുമായുംഅടുത്തിടെ കൊല്ലപ്പെട്ട ഹൊസൈൻ സലാമിയുമായും മുനീറിന് അടുത്തബന്ധമുണ്ടായിരുന്നുവെന്ന് റിട്ടയേർഡ് പാക് ജനറൽ അഹമ്മദ് സയീദ് വെളിപ്പെടുത്തിയത്അമേരിക്കൻ ഇന്റലിജൻസ് വൃത്തങ്ങളെ ഞെട്ടിച്ചിട്ടുണ്ട്. പുറമെ അമേരിക്കയെ സഹായിക്കുന്നമധ്യസ്ഥനായി നടിക്കുമ്പോഴും, മുനീർ ഇറാൻ താല്പര്യങ്ങൾ സംരക്ഷിക്കാനാണോ ശ്രമിക്കുന്നത് എന്നസംശയം ബലപ്പെടുകയാണ്.

അഫ്ഗാൻ യുദ്ധകാലത്ത് അമേരിക്കയിൽ നിന്ന് കോടികളുടെ സഹായം കൈപ്പറ്റുകയും എന്നാൽരഹസ്യമായി താലിബാന് സഹായം നൽകുകയും ചെയ്ത പാകിസ്ഥാന്റെ പാരമ്പര്യം അമേരിക്കൻസുരക്ഷാ വിദഗ്ധർ ചൂണ്ടിക്കാട്ടുന്നു.”പാകിസ്ഥാനെ വിശ്വസിക്കരുത്, അവർ ചതിയന്മാരായസഖ്യകക്ഷികളാണ്” എന്നാണ് ഫൗണ്ടേഷൻ ഫോർ ഡിഫൻസ് ഓഫ് ഡെമോക്രസീസ് (FDD) പ്രതിനിധി ബിൽ റോഗിയോ മുന്നറിയിപ്പ് നൽകുന്നത്. മുനീറിന്റെ ഈ ഇരട്ടത്താപ്പ് അമേരിക്കൻദേശീയ സുരക്ഷയ്ക്ക് ഭീഷണിയാകുമെന്നും റിപ്പോർട്ടുകൾ പറയുന്നു.

പാകിസ്ഥാനിൽ ഇമ്രാൻ ഖാൻ ഉൾപ്പെടെയുള്ള രാഷ്ട്രീയ എതിരാളികളെ അടിച്ചമർത്താനുംസൈന്യത്തിന്റെ ആധിപത്യം ഉറപ്പിക്കാനും മുനീർ ശ്രമിക്കുമ്പോൾ തന്നെ, ട്രംപിനെ പ്രീതിപ്പെടുത്തിതന്റെ അന്താരാഷ്ട്ര പ്രതിച്ഛായ വർധിപ്പിക്കാനാണ് മുനീർ ശ്രമിക്കുന്നത്. നിലവിൽ ജാറെദ്കുഷ്നറുമായും സ്റ്റീവ് വിറ്റ്കോഫുമായും ചേർന്ന് ഇറാൻ ചർച്ചകളിൽ മുനീർ ഇടപെടുന്നുണ്ട്. എന്നാൽ ചർച്ചകളിൽ പുരോഗതിയില്ലാത്തതിനെ തുടർന്ന് വൈസ് പ്രസിഡന്റ് ജെ.ഡി. വാൻസ്കഴിഞ്ഞദിവസം മധ്യസ്ഥ ചർച്ചകളിൽ നിന്ന് ഇറങ്ങിപ്പോയതും ശ്രദ്ധേയമാണ്. മുനീറിനെ കണ്ണടച്ച്വിശ്വസിക്കുന്ന ട്രംപിന്റെ രീതിക്കെതിരെ അമേരിക്കൻ പ്രതിരോധ വകുപ്പിനുള്ളിലും മുറുമുറുപ്പ്ശക്തമാണ്.