ക്രിക്കറ്റ് ലോകം കണ്ടിട്ടുള്ളതിൽ വെച്ച് ഏറ്റവും വിനാശകരമായ ഒരു ഇന്നിംഗ്സിനാണ് 2013-ൽ ബെംഗളൂരു സാക്ഷ്യം വഹിച്ചത്. പൂനെ വാരിയേഴ്സിന്റെ ബൗളർമാരെ മുട്ടുകുത്തിച്ച ക്രിസ് ഗെയ്ൽ വെറും 66 പന്തിൽ നിന്ന് പുറത്താകാതെ 175 റൺസാണ് അടിച്ചുകൂട്ടിയത്. 17 സിക്സറുകളും 13 ഫോറുകളും ഉൾപ്പെട്ട ആ ഇന്നിംഗ്സിന്റെ കരുത്തിൽ ആർസിബി 263/5 എന്ന കൂറ്റൻ സ്കോർ പടുത്തുയർത്തി.
മൈതാനത്തിന്റെ നാലുപാടും സിക്സറുകൾ പറന്ന മത്സരത്തിൽ പൂനെയുടെ എല്ലാ ബൗളർമാരും ഗെയിലിന്റെ ബാറ്റിന്റെ ചൂടറിഞ്ഞു. എന്നാൽ, ആ റൺമഴയിലും തളരാതെ പന്തെറിഞ്ഞ രണ്ട് താരങ്ങൾ ശ്രദ്ധേയമായി. ഗെയിലിന്റെ സംഹാരതാണ്ഡവത്തിനിടയിലും 4 ഓവറിൽ വെറും 23 റൺസ് മാത്രമാണ് ഭുവി വിട്ടുനൊടുത്തത്. ആ ഇന്നിംഗ്സിലെ ഏറ്റവും മികച്ച ബൗളിംഗ് പ്രകടനമായിരുന്നു ഇത്.
ഭുവിയെ കൂടാതെ ലൂക്ക് റൈറ്റും മികച്ച രീതിയിൽ പന്തെറിഞ്ഞു. 4 ഓവറിൽ 26 റൺസ് വഴങ്ങിയ അദ്ദേഹം 1 വിക്കറ്റും നേടി. മറ്റ് ബൗളർമാർ 15-ന് മുകളിൽ ഇക്കോണമിയിൽ റൺസ് വഴങ്ങിയപ്പോൾ ഇരുവരും പൊരുതി നിന്നു. ഇവർ കൂടി അന്ന് പ്രഹരം ഏറ്റുവാങ്ങിയിരുനെങ്കിൽ ഒരുപക്ഷെ അന്ന് 300 എന്ന ടീം സ്കോർ വരെ ആർസിബി നേരിടുമായിരുന്നു എന്നാണ് ക്രിക്കറ്റ് പ്രേമികൾ പറയുന്നത്.
മറുപടി ബാറ്റിംഗിനിറങ്ങിയ പൂനെ വാരിയേഴ്സിന് നിശ്ചിത ഓവറിൽ 133/9 റൺസ് മാത്രമാണ് എടുക്കാൻ സാധിച്ചത്. അതായത്, പൂനെ ടീം മൊത്തത്തിൽ അടിച്ചതിനേക്കാൾ 42 റൺസ് അധികം ക്രിസ് ഗെയ്ൽ എന്ന മനുഷ്യൻ ഒറ്റയ്ക്ക് നേടി! 130 റൺസിന്റെ കൂറ്റൻ വിജയമാണ് ആർസിബി അന്ന് സ്വന്തമാക്കിയത്.
