വാഷിങ്ടണ്‍: തീവ്രവാദ സംഘടനയായ ഇസ്ലാമിക് സ്റ്റേറ്റിനെതിരെ പോരാടാന്‍ റഷ്യയുമായി സഖ്യത്തിന് തയ്യാറെന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. വൈറ്റ് ഹൗസില്‍ നിന്നുള്ള ഔദ്യോഗിക വാര്‍ത്താക്കുറിപ്പിലാണ് പ്രസിഡന്റിന്റെ നിലപാട് വ്യക്തമാക്കിയിരിക്കുന്നത്.
ഐ.എസിനെതിരെ യുദ്ധം ചെയ്യാന്‍ ഏതു രാജ്യവുമായും കൂട്ടുകൂടാം. റഷ്യയോ മറ്റേത് രാജ്യമോ ആയാലും അത് പ്രശ്‌നമില്ല. ഇക്കാര്യത്തില്‍ ട്രംപ് താല്‍പര്യം അറിയിച്ചതായും വൈറ്റ് ഹൗസ് പ്രതിനിധിയുടെ വാര്‍ത്താക്കുറിപ്പില്‍ പറയുന്നു. ഏതാനും ദിവസങ്ങള്‍ക്കുമുമ്പാണ്, ഐ.എസിന് എതിരെയുള്ള ആക്രമണത്തില്‍ അമേരിക്കയുടെ രണ്ട് ജെറ്റ് വിമാനങ്ങള്‍ പങ്കെടുത്തു എന്ന റഷ്യയുടെ വാദത്തെ പെന്റഗണ്‍ തള്ളിയത്. റഷ്യന്‍ സൈന്യവുമായി അമേരിക്ക സഹകരിക്കുന്നില്ല എന്ന് പെന്റഗണ്‍ വക്താവ് പാട്രിക് അന്ന് അറിയിക്കുകയും ചെയ്തിരുന്നു.
Discussion about this post