ചെന്നൈ: അനധികൃത സ്വത്തു സമ്പാദനക്കേസില് ഐ.ഐ.എഡി.എം.കെ ജനറല് സെക്രട്ടറി ശശികല കുറ്റക്കാരിയാണെന്ന സുപ്രീം കോടതിയുടെ വിധി സ്വാഗതം ചെയ്ത് ചലച്ചിത്ര താരം കമല്ഹാസന്. പഴയൊരു പാട്ട് ട്വിറ്ററില് കുറിച്ചാണ് കമല്ഹാസന് നിലപാട് വ്യക്തമാക്കിയത്.
”ഇതൊരു പഴയ ഗാനമാണ്. ഇപ്പോഴും അതിന് വിലയുണ്ട്. തെറ്റായ ആളുകള് ചിലപ്പോഴൊക്കെ വിജയിച്ചേക്കാം. എന്നാല് കാലം നീതി നടപ്പാക്കും.അതാണ് ന്യായം” കമല്ഹാസന് ട്വീറ്റ് ചെയ്തു.
ശശികലയുടെ മുഖ്യമന്ത്രിയാകാനുള്ള നീക്കത്തെ നേരത്തെ തന്നെ കമല്ഹാസന് ശക്തമായി വിമര്ശിച്ചിരുന്നു. ശശികലയെന്ന യാഥാര്ഥ്യം തന്നെ വേദനിപ്പിക്കുന്നുവെന്നും ഒരാള്ക്കു ചുറ്റും ജീവിച്ചതുകൊണ്ട് അയാള്ക്ക് യോഗ്യത ഉണ്ടാകണമെന്നില്ലെന്നും കമല്ഹാസന് വ്യക്തമാക്കിയിരുന്നു. ഒരു വക്കീലിന്റെ മകനാണെന്ന് കരുതി എനിക്കു കോടതിയില് പോയി കേസ് വാദിക്കാനും ജയിക്കാനും കഴിയുമെന്ന് കരുതരുത്. ഞാന് നടനാണ്. അതിലാണ് ഞാന് പരിശീലനം നേടിയിട്ടുള്ളത്. മഹാഭാരതത്തില് നടത്തിയതു പോലുള്ള ചൂതുകളിയല്ല രാഷ്ട്രീയമെന്നും കമല്ഹാസന് ചൂണ്ടിക്കാട്ടിയിരുന്നു.
பழைய பாட்டுத்தான் இருந்தாலும்…
தப்பான ஆளு எதிலும் வெல்லும் ஏடா கூடம்..
எப்போதும் இல்லை காலம் மாறும் ஞாயம் வெல்லும்..
— Kamal Haasan (@ikamalhaasan) February 14, 2017
Discussion about this post