ബാഗ്ദാദ്: മൊസൂളില് ഇറാഖി സേന നടത്തിയ വ്യോമാക്രമണത്തില് നൂറിലധികം ഐഎസ് ഭീകരര് കൊല്ലപ്പെട്ടതായി റിപ്പോര്ട്ട്. ആദ്യം അന്തരാഷ്ട്രമാധ്യമങ്ങള് റിപ്പോര്ട്ട് ചെയ്ത വാര്ത്ത പിന്നീട് സര്ക്കാര് സ്ഥിതീകരിക്കുകയായിരുന്നു. ബാജ് പ്രവശ്യയിലെ മൂന്ന് ഐഎസ് കേന്ദ്രങ്ങളാണ് ആക്രമിക്കാന് പദ്ധതിയിട്ടിരുന്നതായി അധികൃതര് അറിയിച്ചു.
സിറിയന് അതിര്ത്തിയിലുള്ള വടക്ക് പടിഞ്ഞാറന് പ്രവശ്യയിലാണ് വ്യോമാക്രമണം നടത്തിയത്. ആക്രമണത്തില് 150 മുതല് 200 വരെ ഭീകരര് കൊല്ലപ്പെട്ടതായും അനൗദ്യോഗിക റിപ്പോര്ട്ടുകള് സൂചിപ്പിക്കുന്നത്.
സിറിയയില് നിന്നും അതിര്ത്തി കടന്ന് എത്തിയവരാണ് കൊല്ലപ്പെട്ടതെന്ന് അധികൃതര് അറിയിച്ചു. ഇതിലുടെ അതിര്ത്തി കടന്നുള്ള ഭീകരരുടെ യാത്ര ഇപ്പോഴും സുഗമമായി നടക്കുന്നതായും അധികൃതര് ചൂണ്ടിക്കാണിച്ചു.
Discussion about this post