ഡല്ഹി: ഇന്ത്യയില് പൂവാലന്മാരെ റോമിയോ എന്ന് വിളിക്കുകയാണെങ്കില് ഇറ്റലിക്കാര് അവരുടെ നാട്ടില് ആന്റി കൃഷ്ണ സ്ക്വാഡ് ഉണ്ടാക്കിയാല് ഇഷ്ടമുണ്ടാകുമോ എന്ന മത വിരുദ്ധ പ്രസ്താവന നടത്തി ബോളിവുഡ് സംവിധായകന് രാംഗോപാല് വര്മ്മ വിവാദത്തില്. വിശ്വാസ്യതയുള്ള കാമുകനായ റോമിയോയുടെ പേരെങ്ങിനെയാണ് പൂവാലന്മാര്ക്ക് ഇടാനാവുന്നത്. ഇന്ത്യയില് യോഗി ആദിത്യനാഥ് പൂവാലന്മാരെ റോമിയോ എന്ന് വിളിക്കുകയാണെങ്കില് ഇറ്റലിക്കാര് അവരുടെ നാട്ടില് ആന്റി കൃഷ്ണ സ്ക്വാഡ് ഉണ്ടാക്കിയാല് ഇഷ്ടമുണ്ടാകുമോ എന്നാണ് രാം ഗോപാല് വര്മ്മയുടെ ചോദ്യം സോഷ്യല് മീഡിയയില് വന്പ്രതിഷേധമാണ് ഉയര്ത്തിയിരിക്കുന്നത്. ട്വിറ്ററിലൂടെയാണ് രാം ഗോപാല് വര്മ്മ വിവാദ പരാമര്ശം നടത്തിയത്.
പ്രതിഷേധം വ്യാപകമായതിനെ തുടര്ന്ന് ഈ വിഷയത്തില് നിരവധി ട്വീറ്റുകള് രാംഗോപാല് വര്മ്മ നടത്തി. ഞാന് കരുതുന്നത് റോഡ് സൈഡ് റോമിയോ എന്ന സങ്കല്പ്പത്തില് നിന്നാണ് ഈ വാക്ക് എടുത്തതെന്നാണ്. എന്നാല് ഒരു സര്ക്കാര് പദമായി ഉപയോഗിക്കുന്നത് ഉത്തരവാദിത്വരഹിതമാണെന്നും അദ്ദേഹം പറഞ്ഞു.
രാം ഗോപാല് വര്മ്മയുടെ പ്രതികരണത്തിനെതിരെ ട്വിറ്ററില് നിരവധി പ്രതികരണങ്ങളുയര്ന്നു. രാം ഗോപാല് വര്മ്മയെ പോലുള്ള വരെ ട്വിറ്ററില് നിന്ന് നിരോധിക്കണമെന്നാണ് ഒരംഗത്തിന്റെ ആവശ്യം. എതിര്പ്പ് ഉയര്ന്നതോടെ ഒരു പൂവാലനുമായി ചേര്ത്ത് വായിക്കപ്പെടേണ്ട പേരല്ല റോമിയോ എന്നാണ് ഉദ്ദേശിച്ചതെന്ന് മറ്റൊരു ട്വീറ്റിലുടെ രാം ഗോപാല് വര്മ്മ പ്രതികരിച്ചു.
I am baffled with the name of Anti Romeo Squads…How can Romeo a revered lover be a synonym for a Eve teasing goon?
— Ram Gopal Varma (@RGVzoomin) April 4, 2017
If in india he can call them Anti Romeo Squads will YogiAdityanath be ok if Italians call same groups in their country Anti Krishna Squads?
— Ram Gopal Varma (@RGVzoomin) April 4, 2017
In generalising all individuals by giving a single name Romeo,goal is to malign the owner of that name with an illogical nd malicious intent
— Ram Gopal Varma (@RGVzoomin) April 4, 2017
Discussion about this post