ചെന്നൈ: രാഷ്ട്രീയ പ്രവേശം പ്രഖ്യാപിച്ച സ്റ്റൈല് മന്നന് രജനീകാന്തിന്റെ പാര്ട്ടി എന്.ഡി.എയുടെ ഭാഗമാകുമെന്ന് ബി.ജെ.പി സംസ്ഥാന അധ്യക്ഷന് തമിളിസൈ സൗന്ദരരാജന്. രജനിയുടെ രാഷ്ട്രീയ പ്രവേശനവുമായി ബന്ധപ്പെട്ട് മാധ്യമങ്ങളുടെ ചോദ്യങ്ങള്ക്ക് മറുപടി പറയുകയായിരുന്നു അദ്ദേഹം.
രാഷ്ട്രീയത്തിലേക്ക് ഇറങ്ങാനുള്ള രജനിയുടെ തീരുമാനത്തെ സൗന്ദരരാജന് അഭിനന്ദിച്ചു. ബിജെപിയുടെ ലക്ഷ്യമായ അഴിമതിരഹിത സദ്ഭരണമാണ് രജനീകാന്തും മുന്നോട്ടുവെക്കുന്നതെന്ന് അദ്ദേഹം പറഞ്ഞു. അഴിമതിക്കെതിരെ ഉറച്ച ശബ്ദമുയര്ത്താന് ബി.ജെ.പിയാണ് ഏറ്റവും യോജിച്ചതെന്നും അദ്ദേഹം പറഞ്ഞു.
ഞായറാഴ്ചയായിരുന്നു പുതിയ പാര്ട്ടിയുടെ പ്രഖ്യാപനവുമായി രജനികാന്ത് രംഗത്തെത്തിയത്. വരുന്ന നിയമസഭാ തിരഞ്ഞെടുപ്പില് എല്ലാ സീറ്റുകളിലും മത്സരിക്കുമെന്നും അദ്ദേഹം അറിയിച്ചിരുന്നു.
നിലവില് ഒറ്റയ്ക്ക് നിന്ന് മത്സരിക്കാനാണ് രജനിയുടെ തീരുമാനമെങ്കിലും ബി.ജെ.പിയുമായി ചേര്ന്ന് പ്രവര്ത്തിക്കാനായിരിക്കും രജനിയുടെ നീക്കമെന്നാണ് രാഷ്ട്രീയ നിരീക്ഷകരുടെ വിലയിരുത്തല്. ഇതിന് പിന്നാലെയാണ് 2019-ല് രജനിയുടെ പാര്ട്ടി എന്.ഡി.എയുമായി ചേര്ന്ന് പ്രവര്ത്തിക്കുമെന്ന് ബി.ജെ.പി സംസ്ഥാന പ്രസിഡന്റ് മാധ്യമങ്ങളോട് പറഞ്ഞത്.
Discussion about this post